នៅថ្ងៃចន្ទ (ទី៥ ខែមករា ឆ្នាំ២០២៦) បារាំងបានបញ្ជាក់ជាថ្មីម្តងទៀតនូវគាំទ្រ ចំពោះអធិបតេយ្យភាព និងបូរណភាពទឹកដីរបស់ប្រទេសដាណឺម៉ាក និងកោះ Greenland បន្ទាប់ពីមានការគំរាមកំហែងជាថ្មីពីប្រធានាធិបតីអាមេរិក លោក Donald Trump ក្នុងការកាន់កាប់ដែនដី Greenland។

នៅពេលត្រូវបានសួរអំពីប្រតិកម្មរបស់បារាំង អ្នកនាំពាក្យក្រសួងការបរទេសបារាំងលោក Pascal Confavreux បានប្រាប់ទូរទស្សន៍ TF1 ថា៖ «ប្រទេសមានសាមគ្គីភាពជាមួយប្រទេសដាណឺម៉ាក និងកោះ Greenland ដែលជាកម្មសិទ្ធិរបស់ប្រជាជន Greenland និងប្រជាជនដាណឺម៉ាក។ វាអាស្រ័យលើពួកគេក្នុងការសម្រេចថា តើពួកគេមានបំណងប្រាថ្នាធ្វើអ្វី។ ព្រំដែនមិនអាចផ្លាស់ប្តូរដោយការប្រើកម្លាំងបានឡើយ»។

គួរបញ្ជាក់ថា លោក Trump កាលពីថ្ងៃទី៤ ខែមករា បានប្រាប់ទស្សនាវដ្តី The Atlantic ក្នុងបទសម្ភាសន៍មួយថា៖ «ពិតណាស់ យើងត្រូវការកោះ Greenland។ យើងត្រូវការវា ពាក់ព័ន្ធនឹងវិស័យការពារជាតិ»។

សម្ដីរបស់លោកបានកើតមានតែមួយថ្ងៃបន្ទាប់ពីអាមេរិក បានចាប់ខ្លួនប្រធានាធិបតីវ៉េណេស៊ុយអេឡា លោក Nicolas Maduro ហើយប្រធានាធិបតីអាមេរិក បានបញ្ជាក់ថា ទីក្រុងវ៉ាស៊ីនតោននឹងគ្រប់គ្រងប្រទេសនៅតំបន់អាមេរិកឡាទីនមួយនេះ។

មេដឹកនាំនៃប្រទេសដាណឺម៉ាក និងកោះ Greenland កាលពីថ្ងៃទី៤ ខែមករា ក៏បានជំរុញផងដែរឲ្យលោក Trump បញ្ឈប់ការគំរាមកំហែងដណ្តើមកាន់កាប់ដែនដីនេះ៕