រុស្ស៊ី៖ App កម្មវិធី​របស់​ក្រុមហ៊ុន​ប្រព័ន្ធ​ផ្សព្វផ្សាយ​សង្គម TikTok បានប្រកាស​កាលពី​ថ្ងៃអាទិត្យ​ថា ច្បាប់ប្រឆាំងព័ត៌មាន​ក្លែងក្លាយថ្មី​មួយ​កំពុង​ត្រូវបាន​បង្កើតឡើង​ដោយ​ក្រុមហ៊ុន TikTok ជាហេតុ​ផល​ដែល​ខ្លួន​បាន​ផ្អាក​មាតិកា​ថ្មី និង​សមត្ថភាព​ផ្សាយ​ផ្ទាល់​នៅលើ​កម្មវិធី​របស់ខ្លួន​ក្នុងប្រទេស​រុស្ស៊ី​។​

​ក្រុមហ៊ុន​ប្រព័ន្ធ​ផ្សព្វផ្សាយ​សង្គម TikTok បាន​និយាយ​នៅក្នុង​សេចក្ដីថ្លែងការណ៍​ថា នៅក្នុង​ករណី​ច្បាប់​ប្រឆាំង​ព័ត៌មាន​ក្លែងក្លាយ​របស់​ប្រទេស​រុស្ស៊ី យើង​គ្មាន​ជម្រើស​ក្រៅតែពី​ការផ្អាក​ការ​ផ្សាយ​ផ្ទាល់​លើ​កម្មវិធី​របស់ខ្លួន និង​មាតិការ​ថ្មីចំពោះ​ការផ្ដល់​សេវាកម្ម​ផ្នែក​វីដេអូនៅក្នុង​ប្រទេស​រុស្ស៊ី ខណៈដែល​យើង​ពិនិត្យឡើងវិញ​ពី​ផលប៉ះពាល់​លើ​សុវត្ថិភាព​របស់​ច្បាប់​នេះ​។ ​ក្រុមហ៊ុន​នេះបាន​បន្ថែមថា ការផ្ដល់​សេវាកម្ម​កម្ម​វិធី app ផ្ញើ​សារ​របស់​យើងនឹងមិន​ត្រូវបាន​ប៉ះពាល​ឡើយ​។ យើង​នឹង​បន្ត​វាយតម្លៃ​ពី​កាលៈទេសៈ​ទាំងឡាយ​នៅក្នុង​ប្រទេស​រុស្ស៊ី​ ដើម្បី​កំណត់ថា​នៅពេល​ណា​យើង​អាច​បន្ត​ពេញលេញ​ នូវ​សេវាកម្ម​របស់​យើង​ប្រកបដោយ​សុវត្ថិ​ភាពជា​ចំនុច​អាទិភាព​ មុនគេ​បំផុត​របស់​យើង​។

​ចំណែក​ក្រុមហ៊ុន​ផលិត​ខ្សែភាពយន្ត​របស់​អាមេរិក Netflix វិញ​បាន​ផ្អាក​សេវាកម្ម​របស់ខ្លួន​ក្នុងប្រទេស​រុស្ស៊ី ដើម្បី​តវ៉ា​ប្រឆាំង​ទៅនឹង​ការឈ្លានពាន​ទ្រង់ទ្រាយ​របស់​ប្រទេស​នេះ​លើ​អ៊ុយ​ក្រែ​ន​។​ ​កាលពីដើម​សប្ដាហ៍​នេះ សេវាកម្ម​ផ្សាយ​ផ្ទាល់​លើ​ app​ កម្មវិធី​តាម ​Online របស់ខ្លួនបានប្រកាសថា​ ខ្លួន​នឹង​ផ្អាក​រាល់​គម្រោង និង​ដំណើរការ​នាពេល​អនាគត​ទាំង​អស់ពី​រុស្ស៊ី ជាការ​ចូលរួម​ជាមួយ​បណ្ដាល​ក្រុមហ៊ុន​នានា​កាន់តែច្រើន ដែល​បាន​កាត់ផ្ដាច់​ទំនាក់ទំនង​ជាមួយ​ប្រទេស​រុស្ស៊ី។ ​ក្រុមហ៊ុន Netflix ធ្លាប់មាន​ស្នាដៃ​ដំបូង​ចំនួន ៤ នៅក្នុង​ការងារ​របស់​ខ្លួន​នៅ​ប្រទេស​រុស្ស៊ី រួមទាំង​រឿង​ភាគ​បែប​ឧក្រិដ្ឋកម្ម​ដែល​ដឹកនាំ​ដោយ​លោក Dasha Zhuk ដែល​កំពុង​ថត​នៅឡើយ ហើយ​ត្រូវបាន​ផ្អាក​តាំងពី​ពេល​នោះមក​៕

អត្ថបទ៖ សុខមាន