អធិការបតីអាល្លឺម៉ង់ លោក Friedrich Merz បានថ្លែងនៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំនៃអ្វីដែលហៅថា សម្ព័ន្ធភាពនៃឆន្ទៈ នៅទីក្រុងប៉ារីសថា អាល្លឺម៉ង់ត្រៀមខ្លួនរួចជាស្រេច ក្នុងចូលរួមចំណែកក្នុងកិច្ចខិតខំប្រឹងប្រែង ដើម្បីរក្សាបទឈប់បាញ់ដែលអាចធ្វើទៅបាន នៅក្នុងប្រទេសអ៊ុយក្រែន និងជាពិសេស ដើម្បីដាក់ពង្រាយកងទ័ពរបស់ខ្លួននៅលើទឹកដីរបស់អង្គការណាតូ ដែលនៅជាប់នឹងប្រទេសនេះ។  

លោក Merz បាននិយាយថា៖«អាល្លឺម៉ង់នឹងបន្តធ្វើការចូលរួមចំណែកផ្នែកនយោបាយ ហិរញ្ញវត្ថុ និង   យោធា។ ជាឧទាហរណ៍ ការចូលរួមចំណែកនេះ អាចរួមបញ្ចូលថា យើងបានប្រកាសអំពីកងកម្លាំងរបស់យើងសម្រាប់អ៊ុយក្រែននៅលើទឹកដីណាតូដែលនៅជាប់នឹងប្រទេសនេះ បន្ទាប់ពីបទឈប់បាញ់ ត្រូវបានសម្រេច» ដោយបន្ថែមថា ការសម្រេចចិត្តលើការចូលរួមចំណែករបស់អាល្លឺម៉ង់ ក្នុងការផ្តល់ការធានាសន្តិសុខសម្រាប់អ៊ុយក្រែន នឹងត្រូវបានធ្វើឡើង ដោយរដ្ឋាភិបាលនិងសភារបស់ទីក្រុងប៊ែរឡាំង»៕