ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បាននិយាយកាលពីថ្ងៃអង្គារថា ទាហានបារាំង «រាប់ពាន់នាក់» អាចត្រូវបានដាក់ពង្រាយ ដើម្បីរក្សាសន្តិភាពនៅក្នុងប្រទេសអ៊ុយក្រែន បន្ទាប់ពីមានបទឈប់បាញ់។

នៅក្នុងបទសម្ភាសន៍ជាមួយទូរទស្សន៍ France 2 ក្នុងអំឡុងពេលកិច្ចប្រជុំនៃប្រទេសលោកខាងលិច និងអឺរ៉ុប នៅទីក្រុងប៉ារី លោក ម៉ាក្រុង បានបញ្ជាក់ថា៖«បារាំងនឹងចូលរួមក្នុងប្រតិបត្តិការ» ដើម្បីត្រួតពិនិត្យព្រំដែនរុស្ស៊ី-អ៊ុយក្រែន បន្ទាប់ពីកិច្ចព្រមព្រៀងឈប់បាញ់ ត្រូវបានចុះហត្ថលេខា។

ទោះជាយ៉ាងណាក៏ដោយ លោកបានសង្កត់ធ្ងន់ថា ទាហានបារាំងនឹងមិនមែនជាកងកម្លាំងប្រយុទ្ធទេ ដោយបន្ថែមថា បារាំងនឹងចូលរួមក្នុង «ការបង្កើតឡើងវិញនូវកងទ័ពអ៊ុយក្រែន»។

លោក ម៉ាក្រុង បានបន្ថែមថា៖«ការងារត្រូវបានអនុវត្តរវាងអ៊ុយក្រែន សម្ព័ន្ធភាពនៃឆន្ទៈ និងសហរដ្ឋអាមេ  រិក។ ពួកគេនឹងក្លាយជាអ្នកទទួលខុសត្រូវក្នុងការកំណត់ថាតើតំបន់ព្រំដែន ត្រូវបានរំលោភបំពានឬអត់»។

សម្ព័ន្ធភាពនៃប្រទេសលោកខាងលិច និងអឺរ៉ុបប្រហែល ៣០ បានយល់ព្រមកាលពីថ្ងៃអង្គារ នៅក្នុងកិច្ចប្រជុំមួយ នៅទីក្រុងប៉ារីសថា ដំណោះស្រាយសន្តិភាពនាពេលអនាគតណាមួយ ត្រូវតែរួមបញ្ចូលការធានាសន្តិសុខដ៏រឹងមាំ និងមានចំណងផ្លូវច្បាប់សម្រាប់អ៊ុយក្រែន៕