កាលពីថ្ងៃអង្គារម្សិលមិញ ប្រធានាធិបតីស្តីទីវេណេស៊ុយអេឡាលោកស្រី Delcy Rodriguez បានប្រកាសដាក់ឲ្យប្រើប្រាស់បញ្ជាការជាន់ខ្ពស់ឧស្សាហកម្មកសិ-ចំណីអាហារ ដើម្បីការពារបរិធានផលិតភាពរបស់ជាតិ ក្រោយការវាយប្រហាររបស់សហរដ្ឋអាមេរិក និងការចាប់ខ្លួនលោកប្រធានាធិបតី Nicolas Maduro ។

លោកស្រី Rodriguez បានធ្វើការសង្កត់ធ្ងន់ពីការស៊ូទ្រាំដ៏រស់រវើករបស់វេណេស៊ុយអេឡា និងកំណើនស្មារតី ជាការប្រឈមនឹងការគំរាមកំហែងពីខាងក្រៅ និងការឈ្លានពាន។

លោកស្រីប្រកាសថា វាសនារបស់លោកស្រីត្រូវបានសម្រេចដោយព្រះមួយគត់ ជាការឆ្លើយតបនឹងការគំរាមកំហែង និងបានអំពាវនាវឲ្យប្រជាពលរដ្ឋវេណេស៊ុយអេឡា ធ្វើការបំពេញតួនាទីរបស់ពួកគេដើម្បីជាតិ តាមរយៈការរួបរួមជាតិ នៅគ្រប់វិស័យផលិតទាំងអស់ ។

អង្គភាពយុទ្ធសាស្រ្តនេះ ត្រូវបានកំណត់ឲ្យជំរុញការសម្របសម្រួលដោយផ្ទាល់រវាងវិស័យផលិតភាព និងប្រតិបត្តិជាតិ ដើម្បីធានាថា លំហូរទំនិញចាំបាច់ និងផលិតកម្មឧស្សាហកម្ម ពុំត្រូវបានរាំងស្ទះនោះទេ ៕