ចំពេលមានវោហាសាស្ត្រធ្ងន់ៗកាន់តែខ្លាំងឡើងរបស់ប្រធានាធិបតីអាមេរិក លោក ដូណាល់ ត្រាំ អំពីការបង្កើតការគ្រប់គ្រងលើដែនដី Greenland សហភាពអឺរ៉ុបកំពុងរៀបចំខ្លួនសម្រាប់ការប្រឈមមុខដាក់គ្នាដោយផ្ទាល់ជាមួយមេដឹកនាំអាមេរិករូបនេះ។ នេះបើយោងតាមការចុះផ្សាយរបស់កាសែត Politico Europe។

អ្នកការទូតសហភាពអឺរ៉ុបម្នាក់បានប្រាប់កាសែតនេះថា៖«យើងត្រូវតែត្រៀមខ្លួនសម្រាប់ការប្រឈមមុខដាក់គ្នាដោយផ្ទាល់ជាមួយលោក ត្រាំ។ លោកបានបន្ថែមថា៖«លោក ត្រាំ កំពុងស្ថិតក្នុងរបៀបឈ្លានពាន ហើយយើងចាំបាច់ត្រូវត្រៀមខ្លួន»។

កាសែតនេះ កត់សម្គាល់ថា ខណៈពេលដែលរដ្ឋាភិបាលអឺរ៉ុបពីមុនមិនបានដឹងពីភាពធ្ងន់ធ្ងរនៃការគំរាមកំហែងរបស់លោក ត្រាំ ឥឡូវនេះ ពួកគេបានដឹងអំពីពួកវា ហើយកំពុង «ស្វែងរកផែនការ ដើម្បីបញ្ឈប់លោកមិនឲ្យបន្តគំរាមកំហែង»។

លោក ត្រាំ បាននិយាយម្តងហើយម្តងទៀតថា ដែនដី Greenland គួរតែចូលរួមជាមួយសហរដ្ឋអាមេរិក។ លោកមិនបានច្រានចោលការប្រើប្រាស់កម្លាំង ដើម្បីដោះស្រាយបញ្ហានេះ នៅក្នុងបទសម្ភាសន៍ជាមួយ ទូរទស្សន៍ NBC News នៅដើមខែឧសភា ឆ្នាំ ២០២៥ នោះទេ៕