ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា អ៊ុយក្រែនមិនប្រញាប់ប្រញាល់ ដើម្បីសន្តិភាពទេ ហើយប្រសិនបើខ្លួនមិនចង់ដោះស្រាយជម្លោះរបស់ពួកគេដោយសន្តិវិធីទេ ទីក្រុងមូស្គូនឹងសម្រេចគោលដៅទាំងអស់របស់ខ្លួន ដោយកម្លាំង។

ការអត្ថាធិប្បាយរបស់លោក ពូទីន កាលពីថ្ងៃសៅរ៍សប្តាហ៍មុន ដែលចុះផ្សាយដោយទីភ្នាក់ងារសារព័ត៌មានរដ្ឋ TASS បានធ្វើឡើងប ន្ទាប់ពីការវាយប្រហារទ្រង់ទ្រាយធំមួយដោយយានដ្រូន និងមីស៊ីលរបស់រុស្ស៊ី ដែលបានជំរុញឲ្យប្រធានាធិបតីអ៊ុយក្រែន លោក វ្ល៉ូឌីមី ហ្សេឡិនស្គី និយាយថា រុស្ស៊ីកំពុងបង្ហាញពីបំណងប្រាថ្នារបស់ខ្លួន ក្នុងការបន្តសង្គ្រាម ខណៈដែលទីក្រុងគីវ ចង់បានសន្តិភាព។

លោក ហ្សេឡិនស្គី បានជួបជាមួយប្រធានាធិបតីអាមេរិក លោក ដូណាល់ ត្រាំ នៅរដ្ឋហ្វ្លរីដា កាលពីថ្ងៃអាទិត្យ ដើម្បីស្វែងរកដំណោះស្រាយចំពោះសង្គ្រាមដែលលោក ពូទីន បានចាប់ផ្តើមជិត ៤ឆ្នាំ ហើយនោះ ជាមួយនឹងការឈ្លានពានទ្រង់ទ្រាយធំលើប្រទេសជិតខាងតូចជាងរបស់រុស្ស៊ី។

សេតវិមានពុំបានឆ្លើយតបភ្លាមៗចំពោះសំណើសុំការអត្ថាធិប្បាយអំពីការលើកឡើងរបស់លោក ពូទីននោះទេ៕