លោកស្រីប្រធានាធិបតី Claudia Sheinbaum និយាយពីស្ថិតិបឋមថា អត្រាឃាតកម្មប្រចាំថ្ងៃនៅម៉ិកសិក បានធ្លាក់ចុះជិត ៤០ភាគរយ ចាប់តាំងពីពេលដែលលោកស្រី បានឡើងកាន់អំណាច ។

អត្រាឃាតកម្មជាមធ្យមប្រចំាថ្ងៃក្នុងខែធ្នូ ឆ្នាំ ២០២៥ មានចំនួនជាង ៥២នាក់ ពោលគឺធ្លាក់ចុះពីចំនួនជិត ៨៧នាក់ ក្នុងខែកញ្ញា ឆ្នាំ ២០២៤ គឺជាខែមុនពេលលោកស្រី Sheinbaum ឡើងកាន់អំណាច ។

សម្រាប់រយៈពេលពេញមួយឆ្នាំ អត្រាឃាតកម្មជាតិម៉ិកស៊ិកក្នុងចំណោមមនុស្ស ១០ម៉ឺននាក់ មានចំនួនជាង ១៧នាក់ ក្នុងឆ្នាំ ២០២៥ ដែលជាអត្រាទាបបំផុត ចាប់តាំងពីឆ្នាំ ២០១៥ ។ នេះបើយោងតាមបទបង្ហាញរបស់ប្រធានប្រព័ន្ធសន្តិសុខសាធារណៈជាតិម៉ិកស៊ិក ។

អ្នកស្រី Sheinbaum និយាយថា ចំនួននេះ បង្ហាញថា យុទ្ធសាស្រ្តសន្តិសុខជាតិរដ្ឋាភិបាលលោកស្រី បង្កើតលទ្ធផល និងទទួលបានលទ្ធផលពីកិច្ចសហការយ៉ាងជិតស្និទ្ធរវាងក្រមមន្ត្រីសន្តិសុខ ក្រុមយុត្តិធម៌ ហើយនិងអភិបាលរដ្ឋ ។

តាមធម្មតា ចំនួនឃាតកម្ម ត្រូវបានកែសម្រួល នៅពេលដែលវាត្រូវបានចេញផ្សាយជាផ្លូវការដោយទីភ្នាក់ងារស្ថិតិជាតិ(INEGI) បន្ទាប់ពីឆ្លងកាត់ដំណើរការការកែសម្រួល ការត្រួតពិនិត្យ និងការកែតម្រូវរួចមកនោះ ៕