អ៊ីរ៉ង់ បានបង្ហាញសញ្ញាថា កងកម្លាំងសន្តិសុខនឹងបង្ក្រាបក្រុមអ្នកតវ៉ា ដែលការបង្ហាញនេះប្រឈមដោយផ្ទាល់ទៅនឹងការសន្យារបស់ប្រធានាធិបតីសហរដ្ឋអាមេរិកលោក Donald Trump ក្នុងការគាំទ្រដល់អ្នកដែលធ្វើបាតុកម្មដោយសន្តិវិធី ខណៈចំនួនអ្នកស្លាប់បានកើនឡើងដល់យ៉ាងហោចណាស់៦២នាក់។

មេដឹកនាំកំពូល លោក Ayatollah Ali Khamenei បានបដិសេធលោក Trump ខណៈមានដៃ «ប្រឡាក់ឈាមរបស់ពលរដ្ឋអ៊ីរ៉ង់» ដែលអ្នកគាំទ្របានស្រែកថា «ស្លាប់ទៅអាមេរិក!» នៅក្នុងវីដេអូដែលចាក់ផ្សាយតាមទូរទស្សន៍រដ្ឋអ៊ីរ៉ង់។ ក្រោយមក ប្រព័ន្ធផ្សព្វផ្សាយរដ្ឋបាននិយាយយោងដដែលៗទៅរកក្រុមបាតុករថាជា «ភេរវករ» ដែលបានរៀបចំសម្រាប់ការបង្ក្រាបដោយហិង្សាដូចការតវ៉ាដែលបានធ្វើឡើងផ្សេងទៀតនៅទូទាំងប្រទេស កាលពីប៉ុន្មានឆ្នាំថ្មីៗនេះ។

លោក Khamenei បាននិយាយទៅកាន់ហ្វូងមនុស្សនៅក្នុងបរិវេណរបស់លោកនៅទីក្រុងតេអេរ៉ង់ថា ក្រុមបាតុករកំពុង «បំផ្លាញផ្លូវរបស់ពួកគេ ដើម្បីផ្គាប់ចិត្តប្រធានាធិបតីសហរដ្ឋអាមេរិក» ។ «ព្រោះលោកប្រធានាធិបតីរូបនេះបាននិយាយថាលោកនឹងមកជួយពួកគេ។ លោកគួរតែយកចិត្តទុកដាក់ចំពោះស្ថានភាពរបស់ប្រទេសលោកជំនួសវិញ»។

រដ្ឋមន្ត្រីការបរទេសអ៊ីរ៉ង់ លោក Abbas Araghchi ក៏បានចោទប្រកាន់សហរដ្ឋអាមេរិក និងអ៊ីស្រាអែលកាលពីថ្ងៃសុក្រថា បានជំរុញចលនាតវ៉ាកាន់តែខ្លាំងឡើងនៅក្នុងប្រទេសនេះ។ លោក Araghchi បាននិយាយក្នុងអំឡុងពេលទស្សនកិច្ចទៅកាន់ប្រទេសលីបង់ថា «នេះជាអ្វីដែលអាមេរិក និងអ៊ីស្រាអែលបាននិយាយថា ពួកគេនឹងធ្វើអន្តរាគមន៍ដោយផ្ទាល់ក្នុងការតវ៉ានៅប្រទេសអ៊ីរ៉ង់» ។