លោកប្រធានាធិបតី Donald Trump បាននិយាយកាលពីថ្ងៃអាទិត្យថា អ៊ីរ៉ង់កំពុងចាប់ផ្តើម ឆ្លងបន្ទាត់ក្រហមរបស់សហរដ្ឋអាមេរិក ដោយលើកឡើងពីរបាយការណ៍នៃការស្លាប់របស់ជនស៊ីវិល និងព្រមានថា ការវាយប្រហារណាមួយលើផលប្រយោជន៍អាមេរិកនឹងត្រូវប្រឈមនឹងកម្លាំងដ៏លើសលប់ ខណៈ រដ្ឋបាលរបស់លោកកំពុងថ្លឹងថ្លែងអ្វីដែលលោកហៅថា «ជម្រើសដ៏រឹងមាំ»។

លោក Trump បាននិយាយទៅកាន់ក្រុមអ្នកយកព័ត៌មាននៅលើយន្តហោះ Air Force One ខណៈ កំពុងធ្វើដំណើរពីទីក្រុង Palm Beach រដ្ឋ Florida ត្រឡប់ទៅ រដ្ឋធានី Washington, D.C. វិញ បន្ទាប់ពីត្រូវបានសួរថាតើអ៊ីរ៉ង់បានឆ្លងកាត់កម្រិតដែលនឹងបង្កឱ្យមានការឆ្លើយតបឬអត់។

លោកប្រធានាធិបតីបាននិយាយថា ពួកគេកំពុងចាប់ផ្តើម វាហាក់ដូចជាចាប់ផ្ដើមហើយ និងទំនងជាមានមនុស្សមួយចំនួនត្រូវបានសម្លាប់ ។ទាំងនេះគឺជាអំពើហិង្សា ប្រសិនបើអ្នកហៅពួកគេថាជាមេដឹកនាំ លោកមិនដឹងថាតើមេដឹកនាំរបស់ពួកគេយ៉ាងម៉េចទេ ឬគ្រាន់តែពួកគេគ្រប់គ្រងតាមរយៈអំពើហិង្សានោះឬយ៉ាងណា។ ហើយពួកលោកកំពុងសម្លឹងមើលជម្រើសដ៏រឹងមាំមួយចំនួន។ពួកលោកនឹងធ្វើការសម្រេចចិត្ត។

ក្រោយមក លោក Trump បាននិយាយថា ក្រុមបាតុករមួយចំនួនបានស្លាប់នៅក្នុងការប្រជ្រៀតជាន់គ្នា ខណៈអ្នកផ្សេងទៀតត្រូវបានបាញ់ ដោយបន្ថែមថា លោកទទួលបានផ្ដល់ព័ត៌មានជារៀងរាល់ម៉ោង ហើយនឹងសម្រេចចិត្តដោយផ្អែកលើរបាយការណ៍ដែលកំពុងបន្តទទួលបាននោះ៕