ប្រទេសកាតា និងទួរគី បានបញ្ជូននាវាជំនួយមនុស្សធម៌មួយគ្រឿង ដែលដឹកសម្ភារៈសង្គ្រោះជាង ២.៤០០ តោន ទៅកាន់ប្រទេសស៊ូដង់។ នេះបើយោងតាមការប្រកាសកាលពីចុងសប្តាហ៍មុន។ 

ទីភ្នាក់ងារជំនួយដែលពាក់ព័ន្ធបាននិយាយកាលពីថ្ងៃសៅរ៍ថា ជំនួយនេះមានគោលបំណងគាំទ្រសហគមន៍ងាយរងគ្រោះដែលរងផលប៉ះពាល់ដោយជម្លោះ អសន្តិសុខស្បៀងអាហារ និងការទទួលបានជំនួយមនុស្សធម៌មានកម្រិត។  

ជំនួយទាំងនោះ ដែលត្រូវដឹកជញ្ជូនតាមរយៈភាពជាដៃគូរវាងមូលនិធិអភិវឌ្ឍន៍កាតា (QFD)និងអាជ្ញាធរគ្រប់គ្រងគ្រោះមហន្តរាយ និងស្ថានភាពគ្រាអាសន្នទួរគី(AFAD) រួមមានអាហារ សម្លៀកបំពាក់ តង់ ភួយ និងរបស់របរប្រើប្រាស់ក្នុងផ្ទះសំខាន់ៗសម្រាប់ប្រជាជនដែលបាត់បង់ទីលំនៅ និងប្រឈមនឹងហានិភ័យ នៅទូទាំងប្រទេសស៊ូដង់។

ពិធីប្រគល់ជំនួយនៅក្នុងទីក្រុង Mersin នៃប្រទេសទួរគី  ត្រូវបានចូលរួមដោយលោក Attila Toros អភិបាលក្រុង Mersin រួមជាមួយនាយក AFAD លោក Ali Hamza  ឯកអគ្គរដ្ឋទូតទ១ របស់ប្រទេសកាតាប្រចាំនៅទួរគី លោក Abdulaziz Al-Hammadi និងគណៈប្រតិភូ QFD ដឹកនាំដោយលោក Yousef Al-Mulla អ្នកគ្រប់គ្រងស្តីទីនៃនាយកដ្ឋានជំនួយមនុស្សធម៌៕