ប្រធានាធិបតីគុយបា លោក Miguel Diaz-Canel បានបដិសេធការគំរាមកំហែងរបស់ប្រធានាធិបតីអាមេរិកលោក Donald Trump មកលើប្រទេសរបស់លោក ដោយប្ដេជ្ញាថា នឹងការពារប្រទេសនេះ បន្ទាប់ពីមានការប្រតិបត្តិការចាប់ខ្លួនមេដឹកនាំរបស់ប្រទេសវ៉េណេស៊ុយអេឡាដែលជាសម្ព័ន្ធមិត្តរបស់លោក។

កាលពីថ្ងៃអាទិត្យ (ទី១១ ខែមករា ឆ្នាំ២០២៦) លោក Diaz-Canel បានសរសេរនៅលើបណ្ដាញសង្គម X ថា៖ «គុយបាគឺជាប្រទេសដែលមានសេរីភាព ឯករាជ្យ និងមានអធិបតេយ្យភាព។ គ្មាននរណាម្នាក់អាចមកប្រាប់យើងពីអ្វីដែលត្រូវធ្វើនោះឡើយ»។ លោកបានបន្ថែមថា ប្រទសកោះ នៅតំបន់ការ៉ាអ៊ីបមួយនេះ «ត្រៀមខ្លួនរួចជាស្រេច ដើម្បីការពារមាតុភូមិ រហូតដល់ដំណក់ឈាមចុងក្រោយ»។

ភាសាបង្កហេតុរបស់លោក Trump ទៅលើប្រទេសគុយបា បានកើតឡើង ខណៈដែលមេដឹកនាំអាមេរិកដែលមានភាពមោះមុតរូបនេះ បានព្រលយសម្ដីថា លោកមានប្រទេសផ្សេងទៀតនៅក្នុងគំនិតរបស់លោក បន្ទាប់ពីបានចាប់ខ្លួនលោក Maduro។

លើសពីនោះទៀត លោក Trump ដែលបានប្រឹងប្រែងយ៉ាងបើកចំហ ដើម្បីឈ្នះពានរង្វាន់ណូបែលសន្តិភាពកាលពីឆ្នាំមុន ថ្មីៗនេះ បានគំរាមកំហែងប្រទេសកូឡុំប៊ី ម៉ិកស៊ិក អ៊ីរ៉ង់ និងកោះ Greenland៕