ក្រុមមន្ត្រីបាននិយាយថា គណៈរដ្ឋមន្ត្រីសន្តិសុខអ៊ីស្រាអែល បានកោះប្រជុំពិសេសមួយនៅល្ងាចថ្ងៃអង្គារ (១៣ មករា) ដើម្បីពិភាក្សាអំពីស្ថានភាពកាន់តែធ្ងន់ធ្ងរឡើងនៅប្រទេសអ៊ីរ៉ង់ ស្របពេលមានការតវ៉ាយ៉ាងទូលំទូលាយ លទ្ធភាពនៃការដួលរលំរបបអ៊ីរ៉ង់ និងអន្តរាគមន៍របស់សហរដ្ឋអាមេរិកនៅទីនោះ ក៏ដូចជាលទ្ធភាពនៃការសម្របសម្រួលជាមួយទីក្រុងវ៉ាស៊ីនតោន លើជំហានបន្ទាប់។

យោងតាមប្រភពពីមន្ត្រីអ៊ីស្រាអែល បានប្រាប់សារព័ត៌មានរ៉យទ័រថា ការវាយតម្លៃក្នុងអង្គប្រជុំនោះគឺថា លោកប្រធានាធិបតីអាមេរិក Donald Trump បានសម្រេចចិត្តធ្វើអន្តរាគមន៍ហើយ ប៉ុន្តែវិសាលភាព និងពេលវេលានៃការឆ្លើយតប នៅមិនទាន់ច្បាស់នៅឡើយទេ។

សម័យប្រជុំនេះ — ដែលដើមឡើយគ្រោងធ្វើនៅចុងសប្តាហ៍នេះ ប៉ុន្តែត្រូវផ្លាស់ប្តូរ — បានកើតឡើងនៅពេលរដ្ឋាភិបាលរបស់លោកនាយករដ្ឋមន្ត្រី Benjamin Netanyahu កំពុងតាមដានយ៉ាងដិតដល់នូវការវិវត្តក្នុងទីក្រុងតេអេរ៉ង់ ជាទីដែលការតវ៉ាកាន់តែខ្លាំងក្លាឡើង និងបង្កជាសំណួរពីស្ថិរភាពនៃរបបអ៊ីរ៉ង់។

របាយការណ៍ប្រព័ន្ធផ្សព្វផ្សាយអ៊ីស្រាអែលដូចជា The Jerusalem Post និង The Times of Israel បាននិយាយថា កិច្ចពិភាក្សាផ្តោតលើចលាចលដែលកំពុងបន្តនៅរ៉ង់ ផែនការបន្ទាន់ផ្សេងៗ និងការសម្របសម្រួលជាមួយអាមេរិក ស្របពេលភាពតានតឹងក្នុងតំបន់មជ្ឈិមបូព៌ា កាន់តែទូលំទូលាយ៕