អគ្គលេខាធិការអង្គការណាតូ លោក Mark Rutte បានទទួលស្គាល់ថា មិនមាននាវារបស់រុស្ស៊ី ឬចិន នៅជុំវិញកោះហ្គ្រីនលែនទេ ប៉ុន្តែលោកសន្និដ្ឋានថា ពួកគេអាចលេចឡើងនៅពេលណាក៏បាន ដូចដែលលោកបានប្រាប់សន្និសីទអឺរ៉ុបសកល ដែលរៀបចំដោយក្រុមសេរីនិយមអន្តរជាតិនៅក្នុងសភាអឺរ៉ុប គឺក្រុមនយោបាយគាំទ្រអឺរ៉ុប។

លោក Rutte បានឆ្លើយតបទៅនឹងការអត្ថាធិប្បាយរបស់សមាជិកសភាដាណឺម៉ាកថា៖«ទោះបីជាមិនមាននាវាកំពុងធ្វើដំណើរ នៅពេលនេះក៏ដោយ ប៉ុន្តែជាមួយនឹងសមុទ្របើកចំហ វាមិនត្រឹមតែរុស្ស៊ីកំពុងធ្វើសកម្មភាពនៅទីនោះទេប៉ុណ្ណោះទេ ថែមទាំងប្រទេសចិនក៏កំពុងធ្វើសកម្មភាព នៅទីនោះដែរ»។ ប្រជាជនហ្គ្រីនលែន មានការភ័យខ្លាច មានភាពតានតឹង និងព្រួយបារម្ភកាន់តែខ្លាំង ខណៈពេលដែលមិនមានរុស្ស៊ី ឬចិនតែ នៅជុំវិញកោះហ្គ្រីនលែនទេ។ នាពេលថ្មីៗនេះ ប្រធានាធិបតីអាមេរិក លោក ដូណាល់ ត្រាំ បានអះអាងថា មាននាវារុស្ស៊ី និងចិន នៅគ្រប់ទីកន្លែងនៅជុំវិញកោះហ្គ្រីនលែន ខណៈដែលប្រទេសដាណឺម៉ាក មិនអាចបង្កើនសន្តិសុខទឹកដីរបស់ខ្លួនបានទេ។

ក្នុងអំឡុងពេលថ្លែងសុន្ទរកថារបស់ខ្លួន លោកអគ្គលេខាធិការណាតូ ក៏បានសន្យាថា នឹងបន្តការចរចានៅក្នុងសម្ព័ន្ធភាពយោធានេះ ដើម្បីពង្រឹងការការពារកោះហ្គ្រីនលែន ដើម្បីកុំឲ្យសហរដ្ឋអាមេរិកដាក់បញ្ចូលកោះនេះ ទៅក្នុងទឹកដីរបស់ខ្លួន៕