អាជ្ញាធរអ៊ីរ៉ង់កាន់តែដឹងច្បាស់ថា ពួកគេមានជំនឿថា ប្រទេសក្រៅ គឺជាអ្នកនៅពីក្រោយភាពរំជើបរំជួលនៅទូទាំងប្រទេសអ៊ីរ៉ង់ ហើយនិងជាប់ពាក់ព័ន្ធនឹងការញុះញង់ឲ្យមានភាពរំជើបរំជួលមួយនេះ ។

កាលពីថ្ងៃចន្ទ ប្រធានាធិបតីអ៊ីរ៉ង់លោក Masoud Pezeshkian បានផ្លាស់ប្តូរយុទ្ធសាស្រ្តងាកចេញពីសេដ្ឋកិច្ចរង្គោះរង្គើររបស់អ៊ីរ៉ង់ និងការគាបសង្កត់ក្រុមប្រឆាំង ឆ្ពោះទៅរកគូសត្រូវភូមិសាស្ត្រនយោបាយយូរអង្វែងរបស់ប្រទេសលោក គឺអ៊ីស្រាអែល និងសហរដ្ឋអាមេរិក ។

ថ្លែងទៅកាន់ទូរទស្សន៍រដ្ឋ IRIB លោក Pezeshkian អះអាងថា មនុស្សតែមួយដែលបានវាយប្រហារប្រទេសមួយនេះ អំឡុងសង្រ្គាមរយៈពេល ១២ថ្ងៃរបស់អ៊ីស្រាអែលកាលពីខែមិថុនា ឆ្នាំមុន ឥឡូវពួកគេព្យាយាមបង្កើនភាពរំជើបរំជួលទាំងនេះ ទាក់ទងនឹងការពិភាក្សាសេដ្ឋកិច្ច ។

លោកនិយាយថា ពួកគេបានបណ្តុះបណ្តាលមនុស្សមួយចំនួននៅក្នុងប្រទេស និងក្រៅប្រទេស ពួកគេបាននាំយកក្រុមភេរវកម្មពីខាងក្រៅ អ្នកដែលបានវាយប្រហារផ្សារមួយកន្លែងនៅភាគខាងជើងទីក្រុង Rasht និងអ្នកដែលបានដុតបំផ្លាញវិហារអ៊ីស្លាម ។

សូមបញ្ជាក់ថា ទស្សនីយភាពនៃការធ្វើអន្តរាគមន៍បរទេសដោយផ្ទាល់ ដើម្បីគាំទ្រក្រុមបាតុករអ៊ីរ៉ង់ ហាក់កើនឡើងជារៀងរាល់ថ្ងៃ ក្នុងនោះប្រធានាធិបតីសហរដ្ឋអាមេរិលោក Donald Trump បានបង្ហាញម្តងហើយម្តងទៀតពីការត្រៀមខ្លួនរបស់ទីក្រុងវ៉ាស៊ិនតោន ក្នុងការវាយប្រហារអ៊ីរ៉ង់ ៕