ក្មេងប្រុស Omar Halawa ក្រោកពីកៅអីរបស់ខ្លួនដូចគ្នានឹងកុមារអាយុ ១៣ឆ្នាំផ្សេងទៀតដែរ ប៉ុន្តែក្មេងប្រុសម្នាក់នេះ មិនអាចបំភ្លេចរឿងរ៉ាវដ៏គួររន្ធត់របស់ខ្លួនឯងបានឡើយ ក្មេងបុ្រសសល់តែជើងម្ខាងប៉ុណ្ណោះ ។

អ្នកស្រី Yasmin Halawa គឺជាម្តាយរបស់ក្មេងប្រុស Omar និយាយប្រាប់កាសែត Al Jazeera ថា កូនប្រុសរបស់គាត់ធ្លាក់ពីលើកៅអី ។ វាគឺជារឿងគួរក្រៀមក្រំខ្លាំងណាស់សម្រាប់ពួកយើង ពេលឃើញកូនបែបនេះ ។

ក្មេងប្រុស Omar បាត់បង់ជើងស្តាំរបស់ខ្លួនកាលពីរយៈពេល ៣ខែមុន ។ នៅថ្ងៃទី ១ ខែតុលា ឆ្នាំ ២០២៥ ពេលអ៊ីស្រាអែលបង្កើនការវាយប្រហារជើងគោករបស់ខ្លួនលើតំបន់ហ្កាហ្សា ស្របពេលមានកិច្ចប្រជុំបទឈប់បាញ់ជាមួយក្រុមហាម៉ាស ក្មេងប្រុស Omar កំពុងស្ថិតនៅតាមផ្លូវជាមួយប្អូនស្រី Layan អាយុ ១១ឆ្នាំ និងប្អូនជីដូនមួយ Moath Halawa អាយុ ១៣ឆ្នាំ និងមិត្តភ័ក្តិ Mohammed Al Siksik អាយុ ១៣ឆ្នាំដូចគ្នា ដើម្បីទៅដឹកទឹកពីរថយន្តសឺទែនទឹកដែលបានមកដល់នៅជិតជំរំរបស់ពួកគេ នៅតំបន់ Jabalia នៅភាគខាងជើងតំបន់ហ្កាហ្សា ។

ក្មេងប្រុស Yasmin រំឭកពីការជម្លៀសខ្លួនជាង ១៥លើក អំឡុងសង្រ្គាមប្រល័យពូជសាសន៍អ៊ីស្រាអែលដែលបានចាប់ផ្តើមកាលពីខែតុលា ឆ្នាំ ២០២៣ថា វាមិនអាចទៅរួចនោះទេ ក្នុងការចំណាយប្រាក់ ១.៩០០ដុល្លារ សម្រាប់ថ្លៃរថយន្តនាំពួកយើងទៅកាន់តំបន់ភាគខាងត្បូងហ្កាហ្សា ដូច្នេះហើយ ពួកយើងត្រូវតែសម្រេចចិត្តបន្តស្នាក់នៅតំបន់ភាគខាងជើង ។

ចំណែកឯអ្នកស្រី Yasmin និយាយថា ការផ្គត់ផ្គង់ទឹកផឹកកម្រខ្លាំងណាស់នៅតំបន់រស់នៅរបស់ពួកយើង ដូច្នេះហើយក្មេងៗនៅក្នុងជំរំ ត្រូវប្រញាប់ក្រោកពីគេងតាំងពីព្រលឹម ដើម្បីអាចតម្រង់ជួរទទួលបានទឹកមួយហ្គាឡុង ។ 

អ្នកស្រីបន្តថា ក្រោយមក ការផ្លោងគ្រាប់កាំភ្លើងធំ ចាប់ផ្តើម ហើយពួកយើងមានការព្រួយបារម្ភខ្លាំងណាស់ចំពោះកូនៗរបស់ពួកយើង កូនស្រី Layan និងកូនប្រុស Omar ។

គ្រួសារបានបញ្ចុះជើងកាត់ចេញរបស់ក្មេងប្រុស Omar នៅជិតសំពត់តង់របស់ពួកគេ ។ ក្មេងប្រុសទៅមើលផ្នូរបញ្ចុះជើងរបស់ខ្លួនជារៀងរាល់ថ្ងៃ ។ កូនប្រុស Omar និយាយថា ជើងរបស់ខ្ញុំបានទៅឋានសួគ៌មុនខ្ញុំបាត់ទៅហើយ ៕