ប្រធានគណៈកម្មការអឺរ៉ុប លោកស្រី Ursula von der Leyen បានថ្លែងក្នុងអំឡុងពេលទស្សនកិច្ចនៅប្រទេសកោះស៊ីបថា សហភាពអឺរ៉ុបនឹងផ្តល់ការគាំទ្រដល់កោះហ្គ្រីនលែន ប៉ុន្តែបញ្ហាសន្តិសុខអាក់ទិកអាស្រ័យលើអង្គការណាតូ។ 

ដោយត្រូវបានដកស្រង់សម្តីដោយប្រព័ន្ធផ្សព្វផ្សាយ EUObserver លោកស្រីបាននិយាយថា៖«កោះ   ហ្គ្រីនលែនអាចពឹងផ្អែកលើយើងខាងនយោបាយ សេដ្ឋកិច្ច និងហិរញ្ញវត្ថុ ហើយនៅពេលនិយាយអំពីសន្តិសុខរបស់ខ្លួន ការពិភាក្សាអំពីសន្តិសុខអាក់ទិក គឺជាបញ្ហាដ៏សំខាន់របស់អង្គការណាតូ»។  

លោកស្រីបានបន្ថែមថា៖«យើងនឹងបន្តការងាររបស់យើងលើសន្តិសុខអាក់ទិកជាមួយសម្ព័ន្ធមិត្ត និងដៃគូរបស់យើង រួមទាំងសហរដ្ឋអាមេរិកផងដែរ»។

នាពេលថ្មីៗនេះ កិច្ចប្រជុំរវាងរដ្ឋមន្ត្រីការបរទេសដាណឺម៉ាក លោក Lars Lokke Rasmussen ប្រមុខការទូតហ្គ្រីនលែន លោកស្រី Vivian Motzfeldt អនុប្រធានាធិបតីសហរដ្ឋអាមេរិក លោក JD Vance និងរដ្ឋមន្ត្រីការបរទេសសហរដ្ឋអាមេរិក លោក Marco Rubio បានធ្វើឡើង នៅទីក្រុងវ៉ាស៊ីនតោន។ យោងតាមលោក Rasmussen ប្រទេសដាណឺម៉ាកបានបរាជ័យក្នុងការពិភាក្សាជាមួយសហរដ្ឋអាមេរិកអំពីផែនការទិញយកកោះហ្គ្រីនលែននេះ៕