យោងតាមមន្ត្រីអ៊ីរ៉ង់ម្នាក់បានឲ្យដឹងថា មានមនុស្សយ៉ាងហោចណាស់ ៥.០០០ នាក់ត្រូវបានសម្លាប់នៅក្នុងការតវ៉ាដែលបានវាយប្រហារអ៊ីរ៉ង់ក្នុងខែនេះ ក្នុងនោះ ៥០០ នាក់ជាបុគ្គលិកសន្តិសុខ។ 

ចំនួនអ្នកស្លាប់នេះគឺជាចំនួនខ្ពស់បំផុត ដោយប្រភពរដ្ឋាភិបាលបានលើកឡើងសម្រាប់ការតវ៉ាទូទាំងប្រទេសដែលបានរង្គោះរង្គើស្ថាប័នអ៊ីរ៉ង់ និងនាំសហរដ្ឋអាមេរិកទៅដល់មាត់ជ្រោះនៃការអន្តរាគមន៍យោធា។

មន្ត្រីអ៊ីរ៉ង់ដែលត្រូវបានដកស្រង់សម្តីដោយសារព័ត៌មាន Reuters បានស្តីបន្ទោស អ៊ីស្រាអែល និងក្រុមប្រដាប់អាវុធនៅបរទេស ចំពោះចំនួនមនុស្សដែលត្រូវបានសម្លាប់ដ៏ច្រើន ហើយបាននិយាយថា ចំនួនផ្លូវការរបស់រដ្ឋាភិបាលទំនងជាមិនខ្ពស់ជាងនេះទេ។

ការតវ៉ាបានផ្ទុះឡើងនៅទីក្រុងតេអេរ៉ង់ បន្ទាប់ពីប្រាក់រីយ៉ាល់ ដែលជារូបិយប័ណ្ណរបស់អ៊ីរ៉ង់ បានធ្លាក់ចុះនៅថ្ងៃទី២៨ខែធ្នូ។ បាតុកម្មបានរីករាលដាលយ៉ាងឆាប់រហ័សក្លាយជាចលនាប្រឆាំងរដ្ឋាភិបាលដ៏ទូលំទូលាយមួយ ដែលអំពាវនាវឱ្យមានការផ្តួលរំលំមេដឹកនាំកំពូលលោក Ayatollah Ali Khamenei។

យោងតាមក្រុមសិទ្ធិមនុស្ស ក្រុមអ្នកតវ៉ាត្រូវបានសម្លាប់ដោយកងកម្លាំងសន្តិសុខ។អំឡុងការដាច់ចរន្តអគ្គិសនី និងអ៊ីនធឺណិត ក្រុមសិទ្ធិមនុស្ស ប៉ាន់ប្រមាណថាមនុស្សជាង ២០.០០០ នាក់ត្រូវបានចាប់ខ្លួនទាក់ទងនឹងការតវ៉ា៕