មេដឹកនាំពិភពលោក នាយកប្រតិបត្តិជាន់ខ្ពស់ អ្នកច្នៃប្រឌិតបច្ចេកវិទ្យា និងប្រធានអង្គការមនុស្សធម៌ កំពុងមកដល់ទីក្រុងដាវ៉ូស (Davos)នៃប្រទេសស្វីស ដែលពោរពេញដោយព្រិលធ្លាក់ សម្រាប់វេទិកាសេដ្ឋកិច្ចពិភពលោកឆ្នាំ ២០២៦ ដែលអ្នករៀបចំបានហៅថា «កិច្ចប្រជុំកម្រិតខ្ពស់បំផុតមួយក្នុងប្រវត្តិសាស្ត្រនៃព្រឹត្តិការណ៍នេះ»។

ដោយចាប់ផ្តើមពីថ្ងៃទី ១៩-២៣ ខែមករា កិច្ចប្រជុំឆ្នាំនេះ នឹងដោះស្រាយបញ្ហាប្រឈមភូមិសាស្ត្រនយោបាយបន្ទាន់ជាច្រើន ចាប់ពីសង្គ្រាមនៅអ៊ុយក្រែន រហូតដល់ភាពតានតឹងកើនឡើងនៅមជ្ឈិមបូព៌ា ជាកន្លែងដែលមានផ្ទុះជម្លោះជាច្រើននៅតំបន់ហ្កាហ្សា លីបង់ និងសមុទ្រក្រហម បានបង្កឲ្យមានការភ័យខ្លាចចំពោះការកើនឡើងភាពតានតឹងក្នុងតំបន់កាន់តែធំឡើង។

ដោយត្រូវបានរៀបចំឡើងក្រោមប្រធានបទ «ស្មារតីនៃការសន្ទនា» វេទិការនេះ ធ្វើឡើង នៅពេលមានការបែកបាក់សកលដែលមិនធ្លាប់មានពីមុនមក វិសមភាពសេដ្ឋកិច្ច កើនឡើង និងការផ្លាស់ប្តូរបច្ចេកវិទ្យាដ៏រំខាន ដែលផ្តល់នូវវេទិកាមួយ ដើម្បីជំរុញកិច្ចសហប្រតិបត្តិការសកលក្នុងការដោះស្រាយភាពមិនប្រាកដប្រជាធំៗ។

វេទិកាឆ្នាំនេះ ត្រូវបានរំពឹងថា នឹងទាក់ទាញការចូលរួមរបស់រដ្ឋាភិបាលក្នុងកម្រិតកំណត់ត្រា ដោយមានមេដឹកនាំនយោបាយសំខាន់ៗចំនួន ៤០០ រូប មេដឹកនាំ G7 ចំនួន ៦ រូប នាយកប្រតិបត្តិ និងនាយកប្រតិបត្តិជាន់ខ្ពស់របស់ពិភពលោកជិត ៨៥០រូប និងក្រុមហ៊ុនបច្ចេកវិទ្យាឈានមុខគេជិត ១០០ ក្រុមហ៊ុន ត្រូវបានគេរំពឹងថា នឹងចូលរួម។

ប្រធានាធិបតីអាមេរិក ដូណាល់ ត្រាំ ប្រធានាធិបតីបារាំង អេម៉ានុយអែល ម៉ាក្រុង ប្រធានាធិបតីអ៊ុយក្រែន វ្ល៉ុឌីមី ហ្សេឡិនស្គី ប្រធានាធិបតីអេហ្ស៊ីបលោក Abdel Fattah El-Sisi ប្រធានាធិបតីស៊ីរីលោក Ahmad Al-Sharaa និង លោក Aziz Akhannouch ប្រមុខរដ្ឋាភិបាលម៉ារ៉ុក ស្ថិតក្នុងចំណោមប្រមុខរដ្ឋចំនួន ៦៥រូប ដែលចូលរួមព្រឹត្តិការណ៍ដ៏សំខាន់នេះ៕