ទិន្នន័យនៅថ្ងៃចន្ទ (១៩ មករា) នេះ បានបង្ហាញថា សេដ្ឋកិច្ចរបស់ប្រទេសចិន ទទួលបានកំណើនផលិតផលក្នុងស្រុកសរុប (GDP) ក្នុងអត្រា ៥% កាលពីឆ្នាំ២០២៥ ដោយសម្រេចបាននូវគោលដៅរបស់រដ្ឋាភិបាល ក្នុងការដណ្តើមយកចំណែកដ៏ច្រើនលើសលប់នៃតម្រូវការទំនិញសកល ដើម្បីទូទាត់លើការប្រើប្រាស់ក្នុងស្រុកមិនសូវខ្លាំងក្លារបស់ខ្លួន ដែលជាយុទ្ធសាស្ត្រមួយបានកាត់បន្ថយផលប៉ះពាល់នៃពន្ធគយរបស់សហរដ្ឋអាមេរិក។

ការដឹកជញ្ជូនទៅកាន់សហរដ្ឋអាមេរិក បានធ្លាក់ចុះ ១ភាគ៥ ប៉ុន្តែការនាំចេញរបស់ចិន ទៅកាន់ពិភពលោកទាំងមូល បានកើនឡើងយ៉ាងខ្លាំងក្លា ខណៈក្រុមហ៊ុនផលិតបានដណ្តើមយកទីផ្សារថ្មីៗ ដើម្បីការពារខ្លួនពីគោលនយោបាយពន្ធគយដ៏តឹងតែងរបស់សហរដ្ឋអាមេរិក។

កាលពីឆ្នាំមុនដូចគ្នានេះ ដំណើររបស់ចិនចូលទៅទីផ្សារពិភពលោក បានរីកចម្រើនជាងពេលណាៗទាំងអស់ ដែលនាំឱ្យមានអតិរេកពាណិជ្ជកម្មកម្រិតកំណត់ត្រាចំនួន ១,២សែនកោដិដុល្លារ ពោលគឺខ្ពស់ជាង ២០% ធៀបនឹងឆ្នាំ២០២៤។ ទិន្នន័យថ្ងៃចន្ទនេះ បានគូសបញ្ជាក់ពីភាពខុសគ្នាផ្សេងៗដូចជា ទិន្នផលឧស្សាហកម្មចិន បានកើនឡើង ៥,៩% ក្នុងឆ្នាំ២០២៥ ដែលលើសពីកំណើនលក់រាយ ៣,៧%។

ចិន ត្រូវបានគេរំពឹងថា នឹងកំណត់គោលដៅល្បឿនសេដ្ឋកិច្ចប្រហែល ៥% ម្តងទៀតនៅឆ្នាំនេះ ប៉ុន្តែការស្ទង់មតិរបស់សារព័ត៌មានរ៉យទ័រព្យាករថា កំណើនឆ្នាំ២០២៦ របស់ចិន នឹងមានអត្រា ៤,៥%៕