យោងតាមមជ្ឈមណ្ឌលបណ្តាញរញ្ជួយដីចិន (CENC) បានឲ្យដឹងថា រញ្ជួយដីកម្រិត ៥,១រ៉ិចទ័រ បានធ្វើឲ្យរង្គើតំបន់ Qiaojia ក្នុងខេត្ត Yunnan នៅភាគនិរតីនៃប្រទេសចិន នៅវេលាម៉ោង ៧:៣២យប់ ម៉ោងនៅទីក្រុងប៉េកាំង នាថ្ងៃចន្ទ (ទី១៩ ខែមករា ឆ្នាំ២០២៦) នេះ។ 

មិនមានរបាយការណ៍ អំពីអ្នកស្លាប់ និងរបួសនោះទេ។ ហើយ CENC បានបញ្ជាក់ថា ចំណុចកណ្តាលនៃរញ្ជួយដី មានជម្រៅ ១០គីឡូម៉ែត្រ។

ប្រជាពលរដ្ឋ នៅតំបន់ Qiaojia បានរាយការណ៍ពីការរញ្ជួយខ្លាំង។ មន្ត្រីនៅទីប្រជុំជន Longtoushan នៃតំបន់ Ludian ដែលនៅជិតខាងនេះ បានឲ្យបានថា អ្នកនៅទីនោះក៏មានអាមរម្មណ៍ពីរញ្ជួយដីដ៏ខ្លាំងផងដែរ ប៉ុន្តែមិនមានរបាយការណ៍អំពីអ្នកស្លាប់ និងរបួសនោះទេ។ 

ជាមួយគ្នានេះ គ្មានផ្ទះសម្បែងណាមួយ ដួលរលំទេ ផ្លូវនៅតែបើកដំណើរការ សម្រាប់ចរាចរណ៍ ហើយសណ្តាប់ធ្នាប់តាមដងផ្លូវ គឺមានសភាពធម្មតា។ អាជ្ញាធរកំពុងវាយតម្លៃបន្ថែមទៀត អំពីផលប៉ះពាល់ពីរញ្ជួយដីនេះ៕