នគរបាលប្រទេសទួរគី បានប្រើប្រាស់ស្ព្រាយម្រេចទៅលើក្រុមអ្នកតវ៉ាដែលបានមកប្រមូលផ្តុំគ្នាដើម្បីបង្ហាញការគាំទ្រដល់ក្រុមឃឺដស៊ីរីកាលពីថ្ងៃចន្ទ ទី១៩ ខែមករា ដោយការប៉ះទង្គិចគ្នាផ្ទុះឡើងនៅពេលដែលនគរបាលបានព្យាយាមបំបែកការប្រមូលផ្តុំគ្នា។

ការតវ៉ានេះ ត្រូវបានធ្វើឡើងមួយថ្ងៃបន្ទាប់ពីកងកម្លាំងប្រជាធិបតេយ្យស៊ីរី(SDF) ដឹកនាំដោយក្រុមឃឺដ ដែលធ្លាប់ជាសម្ព័ន្ធមិត្តសំខាន់របស់សហរដ្ឋអាមេរិកនៅក្នុងប្រទេសស៊ីរី បានព្រមព្រៀងចាកចេញពីតំបន់ធំៗក្រោមបទឈប់បាញ់ជាមួយរដ្ឋាភិបាលស៊ីរី។

នគរបាលបានប៉ះទង្គិចជាមួយក្រុមអ្នកតវ៉ា ដោយបានវាយតប់គ្នា និងឃុំខ្លួនអ្នកតវ៉ាមួយចំនួន ខណៈ ពេលខ្លះប្រើប្រាស់ស្ព្រាយម្រេចដើម្បីបំបែកហ្វូងមនុស្ស។

កងទ័ពរដ្ឋាភិបាលស៊ីរី បានរឹតបន្តឹងការគ្រប់គ្រងរបស់ពួកគេកាលពីថ្ងៃចន្ទនៅទូទាំងទឹកដីភាគខាងជើង និងភាគខាងកើត បន្ទាប់ពីវាត្រូវបានបោះបង់ចោលភ្លាមៗដោយកងកម្លាំងឃឺដ ក្នុងការផ្លាស់ប្តូរយ៉ាងខ្លាំងដែលបានពង្រឹងការគ្រប់គ្រងរបស់ប្រធានាធិបតី លោក Ahmed al-Sharaa។