កងទ័ពបាននិយាយនៅក្នុងសេចក្តីថ្លែងការណ៍មួយថា កងកម្លាំងការពារអ៊ីស្រាអែល (IDF) បានធ្វើការវាយប្រហារលើទីតាំងបាញ់រ៉ូកែតឃ្លាំងអាវុធក្រោមដី និងជំរំយោធាដែលជាកម្មសិទ្ធិរបស់អង្គការស៊ីអ៊ីតហេសបូឡានៅភាគខាងត្បូងប្រទេសលីបង់។

សេចក្តីថ្លែងការណ៍នេះ បានបញ្ជាក់ថា៖«កងកម្លាំងការពារអ៊ីស្រាអែល (IDF) បានវាយប្រហារហេដ្ឋារចនាសម្ព័ន្ធភេរវកម្មនៅក្នុងតំបន់ជាច្រើន នៅភាគខាងត្បូងប្រទេសលីបង់។ ជាផ្នែកមួយនៃការវាយប្រហារនោះ កងកម្លាំងការពារអ៊ីស្រាអែល (IDF) បានវាយប្រហាររចនាសម្ព័ន្ធយោធាដែលប្រើប្រាស់ដោយហេសបូឡា ដើម្បីធ្វើសមយុទ្ធ និងបណ្តុះបណ្តាលភេរវករ និងសម្រាប់ការរៀបចំផែនការ និងជំរុញការវាយប្រហារប្រឆាំងនឹងកងទ័ព IDF និងជនស៊ីវិលអ៊ីស្រាអែល»។

កងទ័ពបានចង្អុលបង្ហាញថា៖«ដូចគ្នានេះដែរ កងកម្លាំងការពារអ៊ីស្រាអែល (IDF) បានវាយប្រហាររូងក្រោមដីដែលប្រើសម្រាប់រក្សាទុកអាវុធ នៅក្នុងទីតាំងយោធាជាច្រើនដែលជាកម្មសិទ្ធិរបស់ក្រុមហេស      បូឡា នៅភាគខាងត្បូងប្រទេសលីបង់»។ លើសពីនេះទៅទៀតនោះ «ទីតាំងបាញ់រ៉ូកែត និងរចនាសម្ព័ន្ធយោធាជាច្រើនដែល«ត្រូវបានប្រើប្រាស់ដោយក្រុមហេសបូឡា ដើម្បីជំរុញការវាយប្រហារភេរវកម្មប្រឆាំងនឹងកងទ័ព IDF និងរដ្ឋអ៊ីស្រាអែល» ក៏ត្រូវបានវាយប្រហារដែរ»។

យោធាបានសន្និដ្ឋានថា៖ «សកម្មភាពរបស់ក្រុមហេសបូឡានៅទីតាំងទាំងនេះ គឺជាការរំលោភបំពានលើកិច្ចព្រមព្រៀងបទឈប់បាញ់រវាងអ៊ីស្រាអែល និងលីបង់។ កងកម្លាំងការពារជាតិអ៊ីស្រាអែល (IDF) នឹងបន្តប្រតិបត្តិការ ដើម្បីបញ្ចប់ការគំរាមកំហែងប្រឆាំងនឹងរដ្ឋអ៊ីស្រាអែល»៕