ក្នុងអំឡុងពេលពិភាក្សាកាលពីថ្ងៃចន្ទអំពីការវិវត្តចុងក្រោយបំផុត នៅក្នុងប្រទេសស៊ីរី ប្រធានាធិបតីស៊ីរី លោក Ahmad Al-Sharaa និងសមភាគីអាមេរិករបស់ខ្លួន លោក ដូណាល់ ត្រាំ បានសង្កត់ធ្ងន់លើតម្រូវការសំខាន់ក្នុងការរក្សាបូរណភាពទឹកដីរបស់ប្រទេសនេះ និងគាំទ្រកិច្ចខិតខំប្រឹងប្រែងអស់ពីសមត្ថភាព ដើម្បីធានាស្ថិរភាពរបស់ខ្លួន។

ទីភ្នាក់ងារសារព័ត៌មានអារ៉ាប់ស៊ីរីបានរាយការណ៍ថា ក្នុងអំឡុងពេលសន្ទនាតាមទូរស័ព្ទរបស់ពួកគេ មេដឹកនាំទាំងពីរ បានសង្កត់ធ្ងន់ថា វាមានសារៈសំខាន់ណាស់ដែលប្រជាជនឃើដ ត្រូវបានការពារ និងសិទ្ធិរបស់ពួកគេ ត្រូវបានធានានៅក្នុងក្របខ័ណ្ឌទូលំទូលាយរបស់រដ្ឋស៊ីរី ហើយពួកគេបានឯកភាពគ្នាថា ពួកគេ នឹងបន្តសហការក្នុងកិច្ចខិតខំប្រឹងប្រែង ដើម្បីប្រយុទ្ធប្រឆាំងនឹងក្រុមភេរវករដេស(Daesh) និងបញ្ចប់ ការគំរាមកំហែងរបស់ក្រុមនេះ។

លោក Al-Sharaa និងលោក ត្រាំ បានសម្តែងនូវសេចក្តីប្រាថ្នារួមគ្នាសម្រាប់ការលេចចេញនូវប្រទេសស៊ីរីដ៏រឹងមាំ និងរួបរួមមួយ ដែលអាចដោះស្រាយបញ្ហាប្រឈមនានាក្នុងតំបន់ និងអន្តរជាតិប្រកបដោយប្រសិទ្ធភាព ហើយបានគូសបញ្ជាក់ពីតម្រូវការ ដើម្បីធានាថា ប្រទេសនេះមានឱកាសកសាងអនាគតកាន់តែប្រសើរ។ ទីភ្នាក់ងារសារព័ត៌មាននេះ បានបន្ថែមថា ពួកគេក៏បានពិភាក្សាអំពីបញ្ហាតំបន់ផ្សេងទៀត ដែលមានផលប្រយោជន៍ទៅវិញទៅមកផងដែរ៕