រដ្ឋាភិបាលចក្រភពអង់គ្លេស បានផ្តល់ការអនុម័តពីប្រទេសចិនក្នុងការសាងសង់ស្ថានទូតធំបំផុតនៅអឺរ៉ុបក្នុងទីក្រុងឡុងដ្រ៍ រយៈពេល៨ឆ្នាំបន្ទាប់ពីទីក្រុងប៉េកាំងបានទិញទីតាំងនោះ។ ការសម្រេចចិត្តរបស់រដ្ឋមន្ត្រីក្រសួងលំនៅឋាន លោក Steve Reed ក្នុងការផ្តល់ការអនុញ្ញាតផែនការកាលពីថ្ងៃអង្គារ បានធ្វើឡើងមុនពេលដំណើរទស្សនកិច្ចដែលត្រូវបានរំពឹងទុកទៅកាន់ប្រទេសចិនដោយនាយករដ្ឋមន្ត្រីអង់គ្លេស លោក Keir Starmer នៅចុងខែនេះ ជាលើកដំបូងដែលធ្វើឡើងដោយមេដឹកនាំអង់គ្លេសចាប់តាំងពីឆ្នាំ ២០១៨។

ផែនការរបស់ប្រទេសចិនក្នុងការសាងសង់ស្ថានទូតថ្មីនៅលើទីតាំង Royal Mint Court មានអាយុកាលពីរសតវត្សរ៍នៅជិតប៉មទីក្រុងឡុងដ្រ៍ បានជាប់គាំងរយៈពេលបីឆ្នាំមកហើយដោយសារការជំទាស់ពីអ្នកស្រុក សមាជិកសភា និងអ្នកធ្វើយុទ្ធនាការគាំទ្រលទ្ធិប្រជាធិបតេយ្យក្រុងហុងកុងនៅក្នុងចក្រភពអង់គ្លេស។ អ្នកធ្វើយុទ្ធនាការគាំទ្រលទ្ធិប្រជាធិបតេយ្យមកពីក្រុងហុងកុង ព្រួយបារម្ភថាទីក្រុងប៉េកាំង អាចប្រើប្រាស់ស្ថានទូតដើម្បីរំខានដល់គូប្រជែងនយោបាយ និងថែមទាំងឃុំខ្លួនពួកគេ ខណៈអ្នកស្រុកនៅក្បែរនោះបារម្ភថា វាអាចបង្កហានិភ័យសន្តិសុខដល់ពួកគេ និងធ្វើឲ្យមានការតវ៉ាធំៗ។

អ្នកនយោបាយនៅចក្រភពអង់គ្លេស និងសហរដ្ឋអាមេរិក បានព្រមានរដ្ឋាភិបាលកុំអនុញ្ញាតឱ្យប្រទេសចិនសាងសង់ស្ថានទូតនៅលើទីតាំងនោះដោយសារព្រួយបារម្ភថាវាអាចត្រូវបានប្រើប្រាស់ជាមូលដ្ឋានសម្រាប់ចារកម្ម។ ស្ថានទូតនេះនាពេលអនាគតនៅតែអាចប្រឈមបញ្ហាផ្លូវច្បាប់ ខណៈអ្នកស្រុកបាននិយាយថាពួកគេមានគម្រោងជំទាស់នឹងការអនុម័តនៅក្នុងតុលាការ។