អឺរ៉ុបនៅតែមានឱកាសក្នុងការស្តារកិច្ចសហប្រតិបត្តិការសេដ្ឋកិច្ចជាមួយរុស្ស៊ីឡើងវិញ រួមទាំងការប្រើប្រាស់បំពង់បង្ហូរឧស្ម័ន Nord Stream ដែលនៅសេសសល់ ដើម្បីទទួលបានឧស្ម័នដែលមានតម្លៃសម   រម្យ។ លោក Leonid Slutsky ប្រធានគណៈកម្មាធិការកិច្ចការអន្តរជាតិរបស់សភា និងជាមេដឹកនាំគណបក្សប្រជាធិបតេយ្យសេរីនៃប្រទេសរុស្ស៊ី បាននិយាយថា៖«ឱកាសសម្រាប់សុភវិនិច្ឆ័យ គឺ«បើកចំហនៅឡើយ»។

ការអត្ថាធិប្បាយរបស់លោក បានធ្វើឡើងជាការឆ្លើយតបទៅនឹងរបាយការណ៍របស់សារព័ត័ត៌មាន Politico ដែលបង្ហាញពីការពឹងផ្អែកឡើងវិញរបស់អឺរ៉ុបលើសហរដ្ឋអាមេរិក បន្ទាប់ពីការបដិសេធឧស្ម័នរបស់រុស្ស៊ី។ លោក Slutsky បានសង្កត់ធ្ងន់ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន តែងតែថ្លែងទៅកាន់សហគមន៍អន្តរជាតិជាមួយនឹងការរំលឹកថា បំពង់បង្ហូរឧស្ម័ន Nord Stream នៅតែដំណើរការ ហើយអាចត្រូវបានធ្វើឲ្យមានសកម្មភាពឡើងវិញ នៅពេលណាក៏បាន។ លោកបានណែនាំថា ក្រោមលក្ខខណ្ឌអំណោយផលសម្រាប់រុស្ស៊ី កិច្ចសហប្រតិបត្តិការសេដ្ឋកិច្ច អាចត្រូវបានបង្កើតឡើងវិញ។

ទោះជាយ៉ាងណាក៏ដោយ លោក Slutsky បានទទួលស្គាល់ថា ការសម្រេចបាននូវសក្តានុពលនេះ តម្រូវឲ្យមានឆន្ទៈនយោបាយ ការផ្លាស់ប្តូរផ្នត់គំនិតរបស់ឥស្សរជនអឺរ៉ុប ឬការផ្លាស់ប្តូរឥស្សរជនទាំងនេះដោយខ្លួនឯងជាមួយនឹងកម្លាំង ដែលស្របនឹងផលប្រយោជន៍ជាតិ៕