រូបភាពវីដេអូឃ្លីបរបស់ទីភ្នាក់ងារព័ត៌មានរ៉យទ័រឃើញ ប្រជាពលរដ្ឋជួបជុំគ្នាតាមដងផ្លូវនៅក្នុងខេត្តក្រុង Raqqa ប្រទេសស៊ីរី ក្រោយកងកម្លាំងប្រជាធិបតេយ្យស៊ីរី(SDF)ដឹកនាំដោយក្រុមឃើដ ដកទ័ពចេញពីទីនោះ ។

ការិយាល័យប្រធានាធិបតីស៊ីរី និយាយកាលពីថ្ងៃអង្គារថា ពួកគេបានឈានដល់កិច្ចព្រមព្រៀងយោគយល់មួយជាមួយកងកម្លាំង SDF កាលដែលក្រុមមួយនេះ មានពេល ៤ថ្ងៃ ដើម្បីយល់ព្រមនឹងផែនការសម្រាប់សមាហរ័ណកម្មជាក់ស្តែងនៅខេត្តភាគឦសាន Hasakah ។

ពុំមានសេចក្តីអត្ថាធិប្បាយភ្លាមៗនោះទេពីកងកម្លាំង SDF ។ ភាគីទាំង ២បានឈានដល់កិច្ចព្រមព្រៀងឈប់បាញ់កាលពីថ្ងៃអាទិត្យ ប៉ុន្តែភាពតានតឹងនៅតែមាន នៅថ្ងៃបន្តបន្ទាប់ ។

កាលពីដើមខែមករា ភាពទាល់ច្រករវាងកងកម្លាំង SDF និងកងកម្លាំងក្រុងដាម៉ាស់ បានកើនឡើងដល់មានជម្លោះដោយបើកចំហរ រួមទាំងនៅទីក្រុង Aleppo ក្រោយភាពជាប់គាំង ជុំវិញជោគវាសនារបស់យុទ្ធជនក្រុម SDF និងដែនដី ក្នុងនោះកងកម្លាំងឃឺដប្រឆាំងនឹងការទាមទាររបស់រដ្ឋាភិបាល ឲ្យរំលាយពួកគេចទាំងស្រុងចូលទៅក្នុងក្រសួងការពារជាតិស៊ីរី ។

ក្រោយការប្រយុទ្ធគ្នាច្រើនថ្ងៃ កងកម្លាំង SDF និយាយកាលពីថ្ងៃអាទិត្យថា ពួកគេនឹងដកទ័ពរបស់ពួកគេចេញពីខេត្ត Raqqa និងខេត្ត Deir al-Zor ដែលពលរដ្ឋភាគច្រើនគឺជាអារ៉ាប់ ៕