លោកប្រធានាធិបតី ដូណាល់ ត្រាំ ( Donald Trump) បានថ្លែងថា ការតវ៉ានៅរដ្ឋ Minnesota បង្ហាញថា ការធ្វើទេសន្តរប្រវេសន៍ទ្រង់ទ្រាយធំទៅកាន់ប្រទេសលោកខាងលិច គឺមិនអាចទទួលយកបានទេ។  

លោកបានថ្លែងក្នុងអំឡុងពេលថ្លែងសុន្ទរកថាមួយនៅឯវេទិកាសេដ្ឋកិច្ចពិភពលោក (WEF) នៅទីក្រុងដាវ៉ូសថា៖«ស្ថានភាពនៅរដ្ឋ Minnesota រំលឹកយើងថា ប្រទេសលោកខាងលិច មិនអាចនាំចូលវប្បធម៌បរទេសទ្រង់ទ្រាយធំបានទេ ដែលមិនបានកសាងសង្គមដ៏ជោគជ័យរបស់ពួកគេឡើយ។ យើងកំពុងយកមនុស្សមកពីប្រទេសសូម៉ាលី ហើយប្រទេសសូម៉ាលីមិនមែនជាប្រទេសជាតិទេ ដោយសារគ្មានរដ្ឋាភិបាល គ្មាននគរបាល គ្មានយោធា គ្មានអ្វីទាំងអស់»។

យោងតាមលោក ត្រាំ រដ្ឋាភិបាលសហរដ្ឋអាមេរិកកំពុងស៊ើបអង្កេតលើ «ការក្លែងបន្លំប្រាក់ចំនួន ១៩ ពាន់លានដុល្លារ ដែលត្រូវបានលួចដោយចោរប្លន់សូម៉ាលី។ តើពួកគេចូលទៅក្នុងរដ្ឋ Minnesota ហើយលួចប្រាក់ទាំងអស់នោះដោយរបៀបណា? ហើយយើងមាន អ្នកដឹងហើយថា ពួកគេ គឺជាចោរសមុទ្រ។ ពួកគេជាចោរសមុទ្រល្អ មែនទេ? ប៉ុន្តែយើងកម្ទេចពួកគេ ដូចជាយើងបាញ់កម្ទេចទូកគ្រឿងញៀនដែរ។ ពួកគេមិនបានប្លន់ទូកច្រើនពេកទេ នាពេលថ្មីៗនេះ»។ នាពេលមុននេះ ក្នុងបទសម្ភាសន៍ជាមួយសារព័ត៌មាន NewsNation លោក ត្រាំ បាននិយាយថា មានការក្លែងបន្លំយ៉ាងហោចណាស់ប្រាក់ ១៩ ពាន់លានដុល្លារ នៅក្នុងរដ្ឋ Minnesota ចំពេលមានការប្រឆាំងពីអាជ្ញាធរមូលដ្ឋានចំពោះកិច្ចខិតខំប្រឹងប្រែង ក្នុងការនិរទេសជនអន្តោប្រវេសន៍ខុសច្បាប់៕