គេហទំព័រព័ត៌មាន Axios បានរាយការណ៍ថា រដ្ឋមន្ត្រីក្រសួងការពារជាតិអាមេរិក លោក Daniel Driscoll នឹងចូលរួមក្នុងការចរចាលើបញ្ហាអ៊ុយក្រែន នៅប្រទេសអារ៉ាប់រួម។  

គេហទំព័រនេះ បានឲ្យដឹងថា៖«យោងតាមមន្ត្រីអ៊ុយក្រែនម្នាក់ រដ្ឋមន្ត្រីក្រសួងការពារជាតិអាមេរិក លោក Dan Driscoll ក៏នឹងចូលរួមផងដែរ»។

Axios បានបន្តថា បេសកជនពិសេសប្រធានាធិបតី លោក Steve Witkoff និងកូនប្រសាររបស់មេដឹកនាំអាមេរិក លោក Jared Kushner ក៏នឹងចូលរួមផងដែរ។

កាសែត The Telegraph បាននិយាយកាលពីខែធ្នូ ដោយដកស្រង់ប្រភពព័ត៌មានថា លោក Driscoll ត្រូវបានដកចេញពីការចរចា ដោយសារតែប្រមុខមន្ទីរបញ្ចកោណ លោក Pete Hegseth គិតថា លោក Driscoll បានលើសសិទ្ធិអំណាចរបស់ខ្លួន ក្នុងអំឡុងពេលចរចា។

នាពេលកន្លងទៅ លោក វ្ល៉ូឌីមី ហ្សេឡិនស្គី បាននិយាយថា គណៈប្រតិភូអ៊ុយក្រែននៅក្នុងកិច្ចប្រជុំត្រីភាគីនឹងរួមមានលេខាធិការក្រុមប្រឹក្សាសន្តិសុខ និងការពារជាតិ លោក Rustem Umerov ប្រធានការិយាល័យរបស់លោក ហ្សេឡិនស្គី គឺលោក Kirill Budanov អនុប្រធានទី១ នៃការិយាល័យរបស់លោក ហ្សេឡិនស្គី លោក Sergey Kislitsa ប្រធានក្រុមសភានៃគណបក្សអ្នកបម្រើប្រជាជន(Servant of the People) ដែលកំពុងកាន់អំណាច លោក David Arakhamia និងនាយអគ្គសេនាធិការកងទ័ព លោក Andrey Gnatov។

នាពេលថ្មីនេះ លោក ហ្សេឡិនស្គី បាននិយាយថា សហរដ្ឋអាមេរិកមានគម្រោងរៀបចំកិច្ចប្រជុំ នៅប្រទេសអារ៉ាប់រួម រវាងសហរដ្ឋអាមេរិក រុស្ស៊ី និងអ៊ុយក្រែន នៅថ្ងៃទី ២៣-២៤ ខែមករា។ លោក Witkoff ក៏បាននិយាយផងដែរថា កិច្ចប្រជុំក្រុមការងារស្តីពីការដោះស្រាយជម្លោះនៅអ៊ុយក្រែន នឹងត្រូវធ្វើឡើង នៅទីក្រុង Abu Dhabi ក្នុងរយៈពេលប៉ុន្មានថ្ងៃខាងមុខនេះ។ អ្នកនាំពាក្យប្រធានាធិបតីរុស្ស៊ី លោក Dmitry Peskov បាននិយាយថា ប្រមុខរដ្ឋរុស្ស៊ី បានទទួលលោក Witkoff និងលោក Kushner កាលពីថ្ងៃព្រហស្បតិ៍៕