ក្រុមបាតុកររាប់ពាន់នាក់ បានជួបជុំគ្នានៅទីក្រុងភាគខាងជើង Sakhnin កាលពីថ្ងៃព្រហស្បតិ៍ ដោយចោទប្រកាន់នគរបាលថាមិនអាចទប់ស្កាត់ការកើនឡើងយ៉ាងឆាប់រហ័សនូវករណីឧក្រិដ្ឋកម្មនៅតូទាំងទីក្រុងអារ៉ាប់-អ៊ីស្រាអែល ។

ក្រុមមេដឹកនាំសហគមន៍ បានប្រកាសកូដកម្មទូទៅនៅទូទាំងប្រទេស ដើម្បីតវ៉ានឹងអ្វីដែលពួកគេចាត់ទុកថាជា ភាពអសកម្មរបស់នគរបាលក្នុងការលើកឡើងពីរលកនៃអំពើហិង្សាកើនឡើង ។

ទីភ្នាក់ងារព័ត៌មានរ៉យទ័រ បានទាក់ទងនគរបាលអ៊ីស្រាអែល ដើម្បីសុំសេចក្តីអត្ថាធិប្បាយ ប៉ុន្តែពួកគេពុំទទួលបានការឆ្លើយតបភ្លាមៗនោះទេ ។

ចាប់តាំងពីដើមឆ្នាំ ២០២៦រហូតមក ពលរដ្ឋអារ៉ាប់-អ៊ីស្រាអែល ២០នាក់ ត្រូវបានសម្លាប់ ។ ក្រុមមេដឹកនាំក្នុងស្រុក បានដាក់ការស្តីបន្ទោសដល់ការអនុវត្តច្បាប់ មិនចាត់វិធានការឲ្យបានគ្រប់គ្រាន់ដើម្បីទប់ស្កាត់ការបង្ហូរឈាមនេះ ។

យោងតាមតួលេខថ្នាក់ដឹកនាំអារ៉ាប់ បានឲ្យដឹងថា ការធ្វើឃាតចន្លោះ ២៣០ និង ២៥០ករណី បានកើតឡើងប្រចាំឆ្នាំ ក្នុងសហគមន៍អារ៉ាប់ នៅអ៊ីស្រាអែល រវាងឆ្នាំ ២០២៣ និងឆ្នាំ ២០២៥ ៕