ក្រុមអ្នកតវ៉ា បានមកប្រមូលផ្តុំគ្នាកាលពីថ្ងៃអាទិត្យ ទី២៥ ខែមករា នៅក្នុងទីក្រុង Crowborough ភាគខាងត្បូងប្រទេសអង់គ្លេស ដើម្បីតវ៉ាប្រឆាំងនឹងការសម្រេចចិត្តរបស់រដ្ឋាភិបាលក្នុងការផ្តល់ទីជម្រកដល់អ្នកស្វែងរកសិទ្ធិជ្រកកោននៅក្នុងអតីតបន្ទាយកងទ័ព។

ទីតាំងនោះ ធ្លាប់បម្រើជាទីតាំងយោធា បានចាប់ផ្តើមផ្តល់ទីជម្រកដល់ជនអន្តោប្រវេសន៍ ជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលក្នុងការកាត់បន្ថយការពឹងផ្អែកការចំណាយលើសណ្ឋាគារសម្រាប់ការស្នាក់នៅរបស់អ្នកស្វែងរកសិទ្ធិជ្រកកោន។

ក្រុមអ្នកតវ៉ាបានគ្រវីទង់ជាតិ Union Jack និងទង់ជាតិអង់គ្លេស ហើយបានបង្ហាញការមិនពេញចិត្តរបស់ពួកគេចំពោះរដ្ឋាភិបាល ដោយអ្នកមួយចំនួនស្រែកថា «យើងចង់ឱ្យគណបក្សការងារចាកចេញ»។

អាជ្ញាធរបាននិយាយថា កន្លែងនេះនឹងផ្តល់ទីជម្រកដល់អ្នកស្វែងរកសិទ្ធិជ្រកកោនបុរសដែលមានអាយុចន្លោះពី១៨ ដល់៦៥ឆ្នាំ។