លោក Dmitry Polyansky តំណាងអចិន្ត្រៃយ៍របស់រុស្ស៊ីប្រចាំអង្គការសន្តិសុខ និងសហប្រតិបត្តិការនៅអឺរ៉ុប (OSCE) បាននិយាយនៅក្នុងបទសម្ភាសន៍ជាមួយសារព័ត៌មាន RBC ថា រុស្ស៊ី និងអឺរ៉ុបចែករំលែកផលប្រយោជន៍រួមក្នុងការទប់ស្កាត់ជម្លោះយោធា នៅលើទ្វីបអឺរ៉ុប។  

ដោយនិយាយអំពីហេតុផលរួមដែលអាចកើតមានរវាងរុស្ស៊ី និងបណ្តាប្រទេសនៅអឺរ៉ុប អ្នកការទូតរូបនេះបានកត់សម្គាល់ថា៖«នៅពេលមើលដំបូង វាហាក់ដូចជាវាលែងមានទៀតហើយ ហើយស្ពានទាំងអស់ ត្រូវបានដុតបំផ្លាញ»។

លោក Polyansky បានសង្កត់ធ្ងន់ថា៖«ទោះជាយ៉ាងណាក៏ដោយ យើងរស់នៅលើទ្វីបតែមួយ ហើយឃើញការគំរាមកំហែងពីជម្លោះយោធា កំពុងលេចចេញមកលើទ្វីបនេះ។ ហេតុផលរួម អាចកើតចេញពីកិច្ចព្រមព្រៀងរួមគ្នាដែលយើងទាំងអស់គ្នា ត្រូវជៀសវាងជម្លោះប្រដាប់អាវុធ។ ទោះបីជាយើងមិនអាចអនុម័ត កិច្ចព្រមព្រៀងនេះសម្រាប់ពេលនេះក៏ដោយ ភារកិច្ចនេះអាចនិងគួរតែនាំយើងត្រឡប់ទៅរកការសន្ទនាវិញ»។ 

លោកក៏បាននិយាយផងដែរថា រុស្ស៊ីមានការព្រួយបារម្ភអំពី «ប្រជាជននៃប្រទេសនៅអឺរ៉ុប ត្រូវបានបញ្ចុះបញ្ចូលឲ្យបោះបង់គំនិតចាស់ និងបញ្ចូលគំនិតដែលថា រុស្ស៊ីត្រូវបានចោទប្រកាន់ថា គំរាមកំហែងដល់សន្តិភាពអឺរ៉ុប»។ លោកបានបន្ថែមថា៖«អឺរ៉ុបកំពុងក្លាយជាតំបន់យោធានិយមកាន់តែខ្លាំងឡើង ហើយយើងកំពុងឃើញធាតុផ្សំនៃការធ្វើរដ្ឋប្រហារឡើងវិញ នៅក្នុងប្រទេសអាល្លឺម៉ង់ ដែលជាការព្រួយបារម្ភយ៉ាងខ្លាំងមិនត្រឹមតែសម្រាប់យើងប៉ុណ្ណោះទេ ប៉ុន្តែសម្រាប់ប្រទេសដទៃទៀត នៅអឺរ៉ុបផងដែរ»៕