ប្រធានាធិបតីអាមេរិកលោក Donald Trump និយាយថារដ្ឋបាលរបស់លោកកំពុងពិនិត្យឡើងវិញ គ្រប់យ៉ាង បន្ទាប់ពីការបាញ់សម្លាប់ដោយភ្នាក់ងារអន្តោប្រវេសន៍លើគិលានុបដ្ឋាកវ័យ៣៧ ឆ្នាំម្នាក់លោក Alex Pretti នៅទីក្រុង Minneapolis កាលពីថ្ងៃសៅរ៍។  

នៅក្នុងមតិយោបល់របស់លោកទៅកាន់សារព័ត៌មាន Wall Street Journal លោក Trump ក៏បានចង្អុលបង្ហាញផងដែរថាលោកនឹងដកភ្នាក់ងារចេញពីទីក្រុងនេះ។ ប៉ុន្តែលោកពុំបានផ្តល់ពេលវេលាកំណត់ទេ។

ការតវ៉ាបានបន្តនៅទីក្រុង Minneapolis និងទីក្រុងផ្សេងទៀតរបស់សហរដ្ឋអាមេរិកកាលពីថ្ងៃអាទិត្យ ខណៈអភិបាលរដ្ឋ Minnesota លោក Tim Walz បានព្រមានថាអាមេរិកកំពុងស្ថិតនៅចំណុចផ្លាស់ប្តូរ។

ការពិតជុំវិញឧបទ្ទវហេតុ ដែលជាការបាញ់សម្លាប់លើកទីពីរដោយភ្នាក់ងារអន្តោប្រវេសន៍របស់ពលរដ្ឋអាមេរិកក្នុងរយៈពេលប៉ុន្មានសប្តាហ៍ថ្មីៗនេះ បានបណ្ដាលឲ្យមានការតវ៉ាប្រឆាំងផ្ទុះឡើងយ៉ាងខ្លាំង និងបង្កើតបានជាការប្រឈមដាក់គ្នាថ្មីរវាងក្រុមមន្ត្រីរដ្ឋ និងសហព័ន្ធ។

រដ្ឋបាលនេះបានការពារមន្ត្រីដែលបានបាញ់ជនរងគ្រោះ Pretti។ រដ្ឋមន្ត្រីក្រសួងសន្តិសុខមាតុភូមិ លោក Kristi Noem បាននិយាយថាបុរស Pretti ត្រូវបានបាញ់ដោយសារតែរូបគេបានកាន់កាំភ្លើង។

ក្រុមអាជ្ញាធរមូលដ្ឋានបដិសេធរឿងនេះ ដោយបន្ថែមថាកាំភ្លើងត្រូវបានចុះបញ្ជីស្របច្បាប់ ហើយថា ជនរងគ្រោះ Pretti ត្រូវបានបាញ់បន្ទាប់ពីកាំភ្លើងត្រូវបានដកហូត៕