ទីក្រុងតូក្យូ បានឲ្យដឹងថា កូរ៉េខាងជើងបានបាញ់អ្វីដែលហាក់ដូចជាមីស៊ីលបាលីស្ទិក ២គ្រាប់ ឆ្ពោះទៅសមុទ្រជប៉ុន (ដែលត្រូវបានគេស្គាល់ថា សមុទ្រខាងកើត) នៅថ្ងៃអង្គារ (ទី២៧ ខែមករា ឆ្នាំ២០២៦) នេះ។

នាយសេនាធិការចម្រុះរបស់កូរ៉េខាងត្បូង ក៏បានឲ្យដឹងផងដែរថា ខ្លួនបានប្រទះឃើញ «គ្រាប់មីស៊ីលហោះ» មួយគ្រាប់ កំពុងត្រូវបានបាញ់ឆ្ពោះទៅកាន់ទីកន្លែងដែលទីក្រុងសេអ៊ូលហៅថា សមុទ្រខាងកើត។

ដោយដកស្រង់តាមក្រសួងការពារជាតិ ឆ្មាំល្បាតឆ្នេរជប៉ុន បានបញ្ជាក់ថា ខ្លួនបានប្រទះឃើញមីស៊ីបាលីស្ទិក ២គ្រាប់ ហើយទាំង ២គ្រាប់ ត្រូវបានគេប៉ាន់ប្រមាណថា បានធ្លាក់ចូលសមុទ្រហើយ។

ទីភ្នាក់ងារសារព័ត៌មានជប៉ុន Jiji Press បានរាយការណ៍ថា មីស៊ីលទាំង ២គ្រាប់នោះ បានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេស ដោយដកស្រង់ប្រភពពីក្រសួងការពារជាតិ។

ការបាញ់នេះ គឺជាការសាកល្បងលើកទី២ របស់ទីក្រុងព្យុងយ៉ាង ក្នុងខែនេះ បន្ទាប់ពីមានការបាញ់មីស៊ីលជាច្រើនគ្រាប់ច្រើនម៉ោង មុនពេលមេដឹកនាំកូរ៉េខាងត្បូងធ្វើដំណើរទៅកាន់ប្រទេសចិន សម្រាប់កិច្ចប្រជុំកំពូល។

ការបាញ់នេះ កើតឡើងមួយថ្ងៃបន្ទាប់ពីមានដំណើរទស្សនកិច្ចកម្រិតខ្ពស់ទៅកាន់ទីក្រុងសេអ៊ូល ដោយមន្ត្រីលំដាប់ទី៣ របស់មន្ទីរបញ្ចកោណ គឺលោក Elbridge Colby ដែលបានសរសើរកូរ៉េខាងត្បូងថា ជា «សម្ព័ន្ធមិត្តគំរូ»។ 

កូរ៉េខាងជើងបានបង្កើនការបាញ់សាកល្បងមីស៊ីលយ៉ាងច្រើន ក្នុងរយៈពេលប៉ុន្មានឆ្នាំចុងក្រោយនេះ៕