ប្រធានាធិបតីអាមេរិក លោក ដូណាល់ ត្រាំ បានបង្ហើបអំពីលទ្ធភាពនៃការឈរឈ្មោះសម្រាប់អាណត្តិប្រធានាធិបតីលើកទី ៣ នៅឆ្នាំ ២០២៨ ក្នុងអំឡុងពេលយុទ្ធនាការឃោសនាបោះឆ្នោតពាក់កណ្តាលអាណត្តិ នៅទីក្រុង Des Moines នៃរដ្ឋ Iowa។

លោក ត្រាំ បានប្រាប់ក្រុមអ្នកគាំទ្រដែលកំពុងអបអរសាទររបស់លោកថា៖«យើងមានតួលេខស្ទង់មតិល្អបំផុតដែលយើងមិនធ្លាប់មាន។ សូមជួយគិតអំពីតួលេខស្ទង់មតិនេះផងចុះ។ ប្រសិនបើខ្ញុំឈរឈ្មោះម្តងទៀត ប្រសិនបើខ្ញុំឈរឈ្មោះម្តងទៀត តើមានអ្នកណាសប្បាយចិត្តនឹងការឈរឈ្មោះនេះដែរឬទេ»។

លោកក៏បានសម្តែងក្តីសង្ឃឹមផងដែរថា បេក្ខជនសាធារណរដ្ឋ នឹងឈ្នះការបោះឆ្នោតពាក់កណ្តាល អាណត្តិ នៅខែវិច្ឆិកាខាងមុខ។

កាលពីខែវិច្ឆិកា ឆ្នាំមុន លោក ត្រាំ បាននិយាយថា លោកមិនបានគិតអំពីគំនិតនៃការឈរឈ្មោះសម្រាប់អាណត្តិប្រធានាធិបតីលើកទី ៣ របស់លោកទេ ប៉ុន្តែបានបដិសេធមិនឆ្លើយសំណួរថា តើលោកមើលឃើញថា អ្នកណាជាអ្នកកាន់តំណែងមុនរបស់លោក។ វិសោធនកម្មលើកទី ២២ នៃរដ្ឋធម្មនុញ្ញសហរដ្ឋអាមេរិក ដែលត្រូវបានអនុម័តនៅឆ្នាំ ១៩៥១ បានកំណត់អាណត្តិរបស់ប្រធានាធិបតីមកត្រឹមពីរអាណត្តិ។ យ៉ាងណាក៏ដោយ លោក ត្រាំ បានបង្ហើបអំពីលទ្ធភាពនេះជាច្រើនដងមកហើយ។ អតីតអ្នកយុទ្ធសាស្ត្រនយោបាយជាន់ខ្ពស់ និងជាទីប្រឹក្សា លោក លោក Steve Bannon ក៏បាននិយាយផងដែរថា ការឈរឈ្មោះនេះ អាចធ្វើទៅបាន៕