លោក Rodion Miroshnik ឯកអគ្គរដ្ឋទូតទទួលបន្ទុកបេសកកម្មពិសេសនៃក្រសួងការបរទេសរុស្ស៊ីសម្រាប់ឧក្រិដ្ឋកម្មនៃរបបទីក្រុងគីវ បាននិយាយថា ជនស៊ីវិលរុស្ស៊ីជាង ៧០នាក់ ក្នុងនោះមានអនីតិជន    បីនាក់ បានស្លាប់ ដោយសារការវាយប្រហាររបស់អ៊ុយក្រែន ចាប់តាំងពីដើមឆ្នាំមក។ 

លោកបានសរសេរនៅលើបណ្តាញ Telegram របស់លោកថា៖«ចាប់តាំងពីដើមឆ្នាំមក គិតត្រឹមថ្ងៃទី ២៦ ខែមករា ឆ្នាំ ២០២៦ យ៉ាងហោចណាស់មានជនស៊ីវិល ៣២៨នាក់ បានរងផលប៉ះពាល់ ដោយការវាយប្រហាររបស់អ៊ុយក្រែន រួមទាំងអ្នកស្លាប់ ៧១នាក់។ ក្នុងរយៈពេលបីសប្តាហ៍ដំបូង យើងបានទទួលស្ថិតិដ៏គួរឲ្យភ័យខ្លាចមួយចំពោះអនីតិជនដែលរងផលប៉ះពាល់៖ កុមារ ១៨នាក់ បានរងរបួស ហើយបីនាក់ ក្នុងចំណោមពួកគេ បានស្លាប់»។

លោក Miroshnik បានបញ្ជាក់ថា ស្ថិតិនេះ គឺជាលទ្ធផលនៃការវាយប្រហារដែលបានរៀបចំទុកជាមុនរបស់របបទីក្រុងគីវលើកន្លែងដែលមនុស្សប្រមូលផ្តុំគ្នា ការដឹកជញ្ជូនជនស៊ីវិល លំនៅឋានជនស៊ីវិល និងមណ្ឌលសុខភាព និងសង្គម។ អ្នកការទូតរូបនេះ បានសង្កត់ធ្ងន់ថា៖«តាមរយៈការធ្វើឃាតកុមារ ស្ត្រី និងមនុស្សចាស់ ទីក្រុងគីវព្យាយាមបង្ហាញពីតម្លៃណាស៊ីរបស់ខ្លួន ដែលមានការមិនអើពើទាំងស្រុងចំពោះបទដ្ឋាននៃច្បាប់មនុស្សធម៌អន្តរជាតិឡើយ»៕