ការឈ្លានពានយ៉ាងខ្លាំងក្លារបស់រុស្ស៊ីលើអ៊ុយក្រែន បានបណ្តាលឲ្យមានទាហានជិតពីរលាននាក់ ស្លាប់ រងរបួស ឬបាត់ខ្លួន រវាងប្រទេសទាំងពីរ។ នេះបើយោងតាមការសិក្សាមួយដែលបានចេញផ្សាយកាលពីថ្ងៃអង្គារដោយវិទ្យាស្ថានស្រាវជ្រាវមួយរបស់សហរដ្ឋអាមេរិក។

មជ្ឈមណ្ឌលសិក្សាយុទ្ធសាស្ត្រ និងអន្តរជាតិ (CSIS) បានរកឃើញថា កងកម្លាំងរបស់ទីក្រុងមូស្គូ បានទទួលរងនូវការខាតបង់យ៉ាងខ្លាំង ដោយទាហានដល់ ៣២៥.000នាក់ ត្រូវបានសម្លាប់ ក្នុងចំណោមអ្នកស្លាប់និងរងរបួសសរុបចំនួន ១,២ លាននាក់ ចាប់តាំងពីការឈ្លានពានអ៊ុយក្រែនជិត ៤ឆ្នាំ ហើយនោះ។

CSIS បាននិយាយថា៖«គ្មានមហាអំណាចណាមួយ បានជួបប្រទះចំនួនអ្នកស្លាប់ និងរងរបួស ឬស្លាប់ទាំងនេះ នៅក្នុងសង្គ្រាមណាមួយទេ ចាប់តាំងពីសង្គ្រាមលោកលើកទី ២ មក» ដោយកត់សម្គាល់ថា៖   «កងកម្លាំងរុស្ស៊ីកំពុងរុលចូលទៅមុខយឺតៗគួរឲ្យកត់សម្គាល់នៅលើសមរភូមិ»។

វិទ្យាស្ថានស្រាវជ្រាវនេះ បាននិយាយថា កងកម្លាំងអ៊ុយក្រែនក៏បានរងការខាតបង់យ៉ាងធ្ងន់ធ្ងរផងដែរ គឺ អ្នកស្លាប់ចន្លោះពី ៥០០.000 ទៅ ៦00.000 នាក់ ដែលក្នុងនោះចន្លោះពី ១០០.000 ទៅ ១៤០.000 នាក់ ត្រូវបានសម្លាប់ចាប់ពីខែកុម្ភៈ ឆ្នាំ ២០២២ ដល់ខែធ្នូ ឆ្នាំ ២០២៥។ 

CSIS បាននិយាយថា «អ្នកស្លាប់ និងរបួសសរុបរបស់រុស្ស៊ី និងអ៊ុយក្រែន អាចឡើងដល់ ១,៨ លាននាក់ ហើយអាចឡើងដល់ ២ លាននាក់ នៅនិទាឃរដូវឆ្នាំ ២០២៦»៕