​បាល់ឱប​៖ ​កំពូល​កីឡាករ​បាល់ឱប​អាមេរិក Tom Brady បានប្រកាស​ចូលនិវត្តន៍​កាលពី ៤០ថ្ងៃមុន​ពី​ក្រុម​បាល់ឱប​អាមេរិក Tampa Bay Buccaneers នៃ​ក្របខណ្ឌ NFL​។ ​​តែ​នៅ​ថ្ងៃអាទិត្យ​ម្សិលមិញ Tom Brady បានធ្វើ​រឿង​ភ្ញាក់ផ្អើល​មួយ ដោយ​បង្ហោះ​នៅ​បណ្តាញ​សង្គម​ពី​ការ​ត្រលប់មក​បន្ត​អាជីព​របស់ខ្លួន​វិញ​ សំរាប់​រដូវ​កាល​ទី២៣ របស់ខ្លួន​នៅ NFL​។

​​ម្ចាស់​ជ័យលាភី Super Bowl ៧ សម័យ​រូបនេះ​បានប្រកាស​នៅលើ​បណ្តាញ​សង្គម Twitter និង Instagram របស់ខ្លួន​ជាមួយនឹង​ពាក្យ​ដែល​មានន័យថា បេសកកម្ម​មិនទាន់​បញ្ចប់​។ ​​ក្នុងចំណោម​ជើងឯក​ទាំងនោះ​មាន ៦ លើក​គេ​ឈ្នះ​ជាមួយ​ក្លិប New England Patriots មុននឹង​ឈ្នះ​ចុងក្រោយ​បំផុត​ឆ្នាំមុន​ជាមួយ Tampa Bay​។ ​​ក្រៅពី​ជា​ឈ្នះ​ជើងឯក​កីឡា​ដែលមាន​ប្រជាប្រិយ​បំផុត​នៅ​សហរដ្ឋអាមេរិក​មួយ​នេះ Tom Brady ធ្លាប់​ឈ្នះ​ជ័យលាភី​កីឡាករ​ឆ្នើម​បំផុត​ប្រចាំ Super Bowls ៥ លើក​។​

​​ប្រកួត​ចុងក្រោយ​របស់ Tom Brady ជាមួយ Tampa Bay គឺ​ចាញ់ ៣០-២៧ ក្រោម​ថ្វីដៃ Los Angeles Rams​។ ​​សូមបញ្ជាក់ថា Tom Brady ក៏​ស្ថិតក្នុង​បញ្ជី​អត្ត​ព​លិ​ក​ដែល​រកបាន​ប្រាក់ចំណូល​ច្រើន​បំផុត​មួយរូប​ដែរ ​នៅលើ​លោកតា​មរយៈ​ភាពជោគជ័យ​ជាច្រើន​លើ​វិថី​កីឡា​ ដែលមាន​ប្រជាប្រិយភាព​ជាងគេ​នៅ​សហរដ្ឋអាមេរិក​មួយ​នេះ​៕

​អត្ថបទ​៖​នាង សុភា​វុ​ធ