ខេត្ត​ឧត្តរមានជ័យ៖ នៅថ្ងៃទី២៩ ខែមករា ឆ្នាំ២០២៦​ វេលាម៉ោង​ ១០:៤០នាទីព្រឹក ត្រង់ចំណុចភូមិបុស្សធំ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ មានករណីផ្ទុះគ្រាប់បែកចង្កោម ដោយសារបុគ្គលិកក្រុមហ៊ុនSN តបណ្តាញអគ្គីសនី បានដើរជាន់គ្រាប់បែកចង្កោមជាសំណល់យុទ្ធភណ្ឌមិនទាន់ផ្ទុះពីសង្គ្រាមសៀមឈ្លានពានកម្ពុជា។ ករណីផ្ទុះនេះ បានបណ្តាលឱ្យបុគ្គលិកក្រុមហ៊ុនSNចំនួន ០៣នាក់ រងរបួសធ្ងន់និងស្រាល។ 

ជនរងគ្រោះរួមមាន៖

១​-ឈ្មោះ​ សេន​ សីហា​ ភេទប្រុស​ អាយុ១៦ឆ្នាំ​ រស់នៅភូមិសាលាក្រៅ​ ខេត្ត​ប៉ៃលិន​ ។ 

២​-ឈ្មោះ​ គុណ​ ថា​ ភេទប្រុស​ អាយុ៣១ឆ្នាំ​ រស់នៅភូមិសាលាក្រៅ​ ខេត្ត​ប៉ៃលិន​ ។

៣​-ឈ្មោះ​ ហាន​ ប៉ែល​ ភេទប្រុស​ អាយុ១៧ឆ្នាំ​ រស់នៅភូមិសាលាក្រៅ​ ខេត្ត​ប៉ៃលិន​

បច្ចុប្បន្ន ជនរងគ្រោះបានបញ្ជូនទៅសង្គ្រោះនៅមន្ទីរពេទ្យបង្អែកខេត្ត​ ឧត្ដរមានជ័យ។

អាជ្ញាធរមីន​ សូមអំពាវនាវចំពោះប្រជាពលរដ្ឋ ក៏ដូចជាអង្គភាពរនានាដែលធ្វើសកម្មភាព នៅតំបន់ដែលរងផលប៉ះពាល់ដោយសារសង្គ្រាមឈ្លានពានរបស់ថៃ​ ត្រូវមានការប្រុងប្រយ័ត្នខ្ពស់ពីគ្រាប់បែកចង្កោម និងគ្រាប់មិនទាន់ផ្ទុះដែលបន្សល់ពីសង្គ្រាមឈ្លានពានរបស់ថៃ៕