នាយករដ្ឋមន្រ្តីឥណ្ឌាលោក Narendra Modi និយាយកាលពីថ្ងៃពុធ អំឡុងសុន្ទរកថាបើកសន្តិសីទអាកាសចរណ៍ Wings India ថា ប្រទេសរបស់លោកនឹងក្លាយជាប្រទេសសំខាន់ ក្នុងការផលិត និងនាំចេញប្រេងយន្តហោះស្អាត ។

Wings India គឺជាសន្និសីទអាកាសចរណ៍ដែលរៀបចំឡើងនៅទីក្រុងភាគខាងត្បូង Hyderabad ប្រទេសឥណ្ឌា បានកោះប្រជុំថ្នាក់ដឹកនាំឧស្សាហកម្ម និងក្រុមអ្នកច្នៃប្រឌិតសកលជាច្រើនរូប ។

ព្រឹត្តការណ៍រយៈពេល ២ថ្ងៃនេះ នឹងមានកិច្ចពិភាក្សាជាច្រើនលើអនាគតអាកាសចរណ៍ រួមទាំងនិរន្តរភាព បច្ចេកវិទ្យា និងបញ្ហាប្រឈមគោលនយោបាយ ។

លោក Modi និយាយថា ក្នុងពេលដ៏ខ្លីខាងមុខនេះ យន្តហោះហោះឡើង និងចុះចត ដែលបានរចនាឡើង និងផលិតនៅក្នុងប្រទេសឥណ្ឌា នឹងផ្តល់ទិសដៅថ្មីដល់វិស័យអាកាសចរណ៍ទាំងមូល ។ លោកថា បច្ចេកវិទ្យនេះ អាចកាត់បន្ថយពេលវេលាធ្វើដំណើររបស់ពួកយើងបានច្រើន ។

ប្រេងយន្តហោះប្រកបដោយចីរភាព ផលិតភាគច្រើនពីកាកសំណល់ ឬប្រេងចម្អិនអាហារប្រើរួច អាចកាត់បន្ថយការបំភាយឧស្ម័នបានច្រើន បើធៀបនឹងប្រេងយន្តហោះធម្មតា ។ ទោះបីជាយ៉ាងណាក៏ដោយ វាមានតម្លៃ ៣-៥ដង ថ្លៃជាងប្រេងយន្តហោះធម្មតា ៕