លោក Antonio Guterres អគ្គលេខាធិការអង្គការសហប្រជាជាតិ បានព្រមានថា និទណ្ឌភាពកាន់តែកើនឡើង ការបែកបាក់ភូមិសាស្ត្រនយោបាយ និងការសឹករិចរិលនៃស្ថាប័នពហុភាគី កំពុងធ្វើឱ្យប្រព័ន្ធអន្តរជាតិអស្ថិរភាព។  

លោក Guterres បានថ្លែងក្នុងសន្និសីទសារព័ត៌មានដើមឆ្នាំប្រពៃណីចុងក្រោយរបស់លោកនៅទីស្នាក់ការកណ្តាលអង្គការសហប្រជាជាតិក្នុងទីក្រុងញូវយ៉កកាលពីថ្ងៃព្រហស្បតិ៍ ២៩មករាសប្ដាហ៍នេះថា "យើងកំពុងរស់នៅក្នុងពិភពលោកមួយដែលសកម្មភាព ជាពិសេសសកម្មភាពដែលមិនប្រុងប្រយ័ត្ន កំពុងបង្កឱ្យមានប្រតិកម្មដ៏គ្រោះថ្នាក់ ដោយបន្ថែមថាប្រព័ន្ធសកលកំពុង "ត្រូវបានរងការវាយប្រហារដោយសារជម្លោះភូមិសាស្ត្រនយោបាយ និងការរីករាលដាលនៃភាពនិទណ្ឌភាព។ 

ដោយនិយាយថា អំណាចកំពុងមានឥទ្ធិពលលើអំណាចនៃច្បាប់ លោកបានសង្កត់ធ្ងន់ថា ច្បាប់អន្តរជាតិត្រូវបានជាន់ឈ្លី។ កិច្ចសហប្រតិបត្តិការកំពុងរិចរិល។ ហើយស្ថាប័នពហុភាគីកំពុងស្ថិតនៅក្រោមការវាយប្រហារលើវិស័យជាច្រើន។  

លោក Guterres បានព្រមានថា នៅពេលដែលការរំលោភបំពានមិនត្រូវបានទទួលការឆ្លើយតប ស្ថិរភាពសកលលោក ត្រូវបានបំផ្លាញ។ 

ដោយបញ្ជាក់ពីការប៉ះពាល់ដល់មនុស្សជាតិ លោកបានព្រមានថា និទណ្ឌភាព កំពុងជំរុញឲ្យភាពតឹងនាពេលបច្ចុប្បន្ននេះកើនឡើង ពង្រីកការមិនទុកចិត្ត និងបើកឱកាសកាន់តែធំឱ្យអ្នកគំរាមកំហែងដ៏មានឥទ្ធិពលចូលពីគ្រប់ទិសទី។  

លោក Guterres បានអំពាវនាវឱ្យមានការទូតដើម្បីដោះស្រាយភាពតានតឹងដែលកំពុងកើនឡើងរវាងអ៊ីរ៉ង់ និងសហរដ្ឋអាមេរិក នាពេលបច្ចុប្បន្នជំរុញវិធានការរបស់ប្រធានាធិបតី Donald Trump សម្រាប់កិច្ចព្រមព្រៀងនុយក្លេអ៊ែរជាមួយទីក្រុងតេអេរ៉ង់៕