ប្រធានាធិបតីដែលមានសិទ្ធិអំណាចរបស់ប្រទេសវ៉េណេស៊ុយអេឡា លោកស្រី Delcy Rodriguez បាននិយាយថា លោកស្រីបានជួបសន្ទនាតាមទូរស័ព្ទជាមួយប្រធានាធិបតីអាមេរិក លោក ដូណាល់ ត្រាំ និងរដ្ឋមន្ត្រីការបរទេសអាមេរិក លោក Marco Rubio ដែលក្នុងអំឡុងពេលនោះ ពួកគេបានពិភាក្សាអំពីបញ្ហាជាច្រើន។

លោកស្រី Rodriguez បាននិយាយនៅលើប៉ុស្តិ៍ទូរទស្សន៍ Venezolana de Television ថា៖«ខ្ញុំបានទទួលការហៅទូរស័ព្ទពីប្រធានាធិបតីអាមេរិក លោក ដូណាល់ ត្រាំ និងរដ្ឋមន្ត្រីការបរទេស លោក Marco Rubio។ យើងបានពិភាក្សាអំពីរបៀបវារៈទ្វេភាគីរបស់យើង ក្នុងអំឡុងពេលសន្ទនានេះ។

លោកស្រីបាននិយាយថា កិច្ចពិភាក្សាបានដោះស្រាយបញ្ហាសំខាន់ៗមួយចំនួន រួមទាំងការដកការរឹតបន្តឹងលើជើងហោះហើរពាណិជ្ជកម្ម នៅក្នុងដែនអាកាសវ៉េណេស៊ុយអេឡា។ លោកស្រី Rodriguez បានសង្កត់ធ្ងន់ថា៖« ក្រុមហ៊ុនអាកាសចរណ៍ដែលចង់ធ្វើប្រតិបត្តិការ គួរតែអាចធ្វើដូច្នេះបាន ហើយវិនិយោគិនដែលមានបំណងមក គួរតែអាចមកបាន»។

នាពេលមុននេះ ការិយាល័យសារព័ត៌មានប្រធានាធិបតីដែលមានសិទ្ធិអំណាចរបស់ប្រទេសនេះ បាននិយាយថា ក្នុងអំឡុងពេលសន្ទនាតាមទូរស័ព្ទ លោក ត្រាំ បានប្រកាសពីការបើកដែនអាកាសវ៉េណេស៊ុយអេឡាឡើងវិញ និងបានពិពណ៌នាអំពីទំនាក់ទំនងជាមួយថ្នាក់ដឹកនាំបច្ចុប្បន្នរបស់សាធារណរដ្ឋបូលីវ៉ានៃវ៉េណេស៊ុយឡាថា «រឹងមាំខ្លាំងណាស់»៕