មេបញ្ជាការកងកម្លាំងព្រំដែនអ៊ីរ៉ង់ លោក Ahmad Ali Goudarzi បានហៅវិធានការរបស់អ៊ីរ៉ាក់ចំពោះការពារព្រំដែនអ៊ីរ៉ាក់ថា មិនធ្លាប់មានពីមុនមកទេ។ នេះបើយោងតាមសេចក្តីថ្លែងការណ៍របស់ឆ្មាំព្រំដែនអ៊ីរ៉ាក់ដែលចេញផ្សាយ បន្ទាប់ពីកិច្ចប្រជុំរវាងលោក Goudarzi និងប្រធានរបស់ពួកគេ លោក Mohammed Abdel Wahhab Saqr។ 

យោងតាមឯកសារបានឲ្យដឹងថា លោក Goudarzi «បានកោតសរសើរយ៉ាងខ្លាំងចំពោះវិធានការសន្តិសុខ និងរបងដែលសាងសង់ដោយឆ្មាំព្រំដែនអ៊ីរ៉ាក់តាមបណ្តោយព្រំដែនជាមួយអ៊ីរ៉ង់ ដោយហៅវាថា មិនធ្លាប់មានពីមុនមក និងបានរួមចំណែកយ៉ាងសំខាន់ក្នុងការកែលម្អសន្តិសុខព្រំដែនរវាងប្រទេសទាំងពីរ«។ វាត្រូវបានកត់សម្គាល់ថា កិច្ចប្រជុំរបស់ឧត្តមសេនីយ៍អ៊ីរ៉ាក់ និងអ៊ីរ៉ង់ បានធ្វើឡើង នៅក្នុងទីក្រុងព្រំដែន Badra ដោយមានការចូលរួមពី «មេបញ្ជាការនៃតំបន់ព្រំដែនអ៊ីរ៉ាក់ទាំងបី មេបញ្ជាការនៃកងវរសេនាធំ និងសហការីអ៊ីរ៉ង់របស់ពួកគេ»។ សេចក្តីថ្លែងការណ៍នេះ បានបញ្ជាក់ថា ភាគីនានាបានពិភាក្សាអំពី «ទស្សនវិស័យសម្រាប់កិច្ចសហប្រតិបត្តិការ និងការសម្របសម្រួល ដើម្បីបង្កើនស្ថិរភាពរួមនៃព្រំដែន និងសន្តិសុខរបស់ពួកគេ»។

នៅពាក់កណ្តាលខែមករា ក្នុងអំឡុងពេលកុបកម្មដ៏ធំដែលបានរួបរឹតទីក្រុងធំៗជាច្រើនរបស់អ៊ីរ៉ង់ ប្រធានសេវាសន្តិសុខជាតិអ៊ីរ៉ង់ និងអ៊ីរ៉ាក់ បានយល់ព្រមសម្របសម្រួលសកម្មភាពរបស់ពួកគេ ដើម្បី «ទប់ស្កាត់ការជ្រៀតចូលរបស់ក្រុមភេរវករឆ្លងកាត់ព្រំដែនរវាងរដ្ឋទាំងពីរ»៕