លោក Liu Pengyu អ្នកនាំពាក្យស្ថានទូតចិនប្រចាំទីក្រុងវ៉ាស៊ីនតោន បានប្រាប់សារព័ត៌មាន TASSថា ទីក្រុងប៉េកាំងជឿជាក់ថា ផលប្រយោជន៍ស្របច្បាប់របស់ប្រទេសចិន និងប្រទេសដទៃទៀត នៅក្នុងប្រទេសវ៉េណេស៊ុយអេឡា ត្រូវតែត្រូវបានការពារ ហើយនឹងបន្តអភិវឌ្ឍន៍កិច្ចសហប្រតិបត្តិការ ជាមួយសាធារណរដ្ឋបូលីវី និងប្រទេសដទៃទៀតនៅក្នុងតំបន់នេះ។  

លោកបាននិយាយថា៖«ខ្ញុំសូមសង្កត់ធ្ងន់ថា សិទ្ធិ និងផលប្រយោជន៍ស្របច្បាប់របស់ប្រទេសចិន និងប្រទេសដទៃទៀតនៅក្នុងប្រទេសវ៉េណេស៊ុយអេឡា ត្រូវតែត្រូវបានការពារ។ទោះបីជាស្ថានភាពវិវត្តយ៉ាងណាក៏ដោយ ក៏ប្រទេសចិន នឹងបន្តពង្រឹងកិច្ចសហប្រតិបត្តិការជាក់ស្តែងជាមួយប្រទេសនានា នៅក្នុងតំបន់ រួមទាំងប្រទេសវ៉េណេស៊ុយអេឡា និងលើកកម្ពស់ការអភិវឌ្ឍរួម»។

នាពេលថ្មីៗនេះ រដ្ឋមន្ត្រីការបរទេសអាមេរិក លោក Marco Rubio បានប្រាប់គណៈកម្មាធិការទំនាក់ទំនងការបរទេសព្រឹទ្ធសភាអាមេរិកថា ប្រទេសចិន បានទិញប្រេងរបស់វ៉េណេស៊ុយអេឡាក្នុងតម្លៃបញ្ចុះតម្លៃយ៉ាងច្រើន។ លោកបានបន្ថែមថា ប្រទេសចិនអាចទិញប្រេងពីវ៉េណេស៊ុយអេឡា ប៉ុន្តែពួកគេ នឹងត្រូវទិញ វា «ដូចអ្នកដទៃទាំងអស់នៅក្នុងពិភពលោកដែរ ក្នុងតម្លៃធម្មតា»៕