ជនប៉ាឡេស្ទីនបានតម្រង់ជួរយ៉ាងវែងនៅស្ថានីយហ្គាសក្រុង Hebron ពេលដែលពួកគេរង់ចាំទិញហ្គាសចម្អិនអាហារ ស្របពេលជួបកង្វះខាតដែលក្រុមមន្រ្តី និងអ្នកស្រុកនិយាយថា វាកើតមានចាប់តាំងពីខែធ្នូ ឆ្នាំ ២០២៥រហូតមក ។

ក្រុមហ៊ុនផ្គត់ផ្គង់ហ្គាសនៅតំបន់វ៉េសប៊ែង និយាយថា ស្ថានភាពអាកាសធាតុត្រជាក់នៅខែធ្នូ និងខែមករា មានន័យថា មនុស្សប្រើប្រាស់ហ្គាសចម្អិនអាហារ ដើម្បីធ្វើឲ្យពួកគេកក់ក្តៅផងដែរ ខណៈការផ្គត់ផ្គង់ពីក្រុមហ៊ុនអ៊ីស្រាអែល ត្រូវបានកាត់ផ្តាច់ ។

លោក Adli Natsheh គឺជាអគ្គនាយកក្រុមហ៊ុន Salam Investment Corporation និយាយថា មាននូវកង្វះខាតពីការក្រុមហ៊ុនផ្គត់ផ្គង់អ៊ីស្រាអែល ដោយសារស្ថានភាពអាកាសធាតុកាលពីខែមុន ដោយសារសង្រ្គាមអ៊ីរ៉ង់ ពីព្រោះថា ក្រុមហ៊ុនអ៊ីស្រាអែលពុំបានផ្តល់ឲ្យពួកយើងនូវការចែកចាយទាំងស្រុងនោះទេ ដែលវាមិនគ្រប់គ្រាន់ឡើយ សម្រាប់អាជ្ញាធរប៉ាឡេស្ទីន ។

ប្រជាពលរដ្ឋបានមកដល់តំាងពីព្រឹក កាន់ធុងហ្គាសទទេររបស់ពួកគេ និងកំប៉ុងហ្គាស រង់ចាំអស់រយៈពេលជាច្រើនម៉ោង ដើម្បីទិញហ្គាស ។

ក្រុមមន្រ្តីក្នុងស្រុកពុំបានផ្តល់ការប៉ាន់ប្រមាណភ្លាមៗនោះទេថាតើ កង្វះខាតហ្គាសនេះ នឹងត្រូវអូសបន្លាយពេលយូរប៉ុន្មានទៀត ឬថាតើមានក្រុមហ៊ុនណាមួយ មានគម្រោងបង្កើនការចែកចាយដែរឬទេ ៕