លេខាធិការក្រុមប្រឹក្សាសន្តិសុខរុស្ស៊ី លោក Sergey Shoigu បាននិយាយបន្ទាប់ពីកិច្ចពិភាក្សាជាមួយរដ្ឋ  មន្ត្រីការបរទេសចិន លោក វ៉ាង យី (Wang Yi) ថា ប្រធានាធិបតី វ្ល៉ាឌីមៀ ពូទីន នៃប្រទេសរុស្ស៊ី និងលោកស៊ី ជីនពីង នៃប្រទេសចិន បានចូលរួមក្នុងកិច្ចសន្ទនាយ៉ាងសកម្ម ហើយនឹងបន្តទំនាក់ទំនងជាប្រក្រតី នៅឆ្នាំនេះ។ 

សេវាសារព័ត៌មានរបស់ក្រុមប្រឹក្សាសន្តិសុខរុស្ស៊ី បានដកស្រង់សម្តីរបស់លោកដែលបាននិយាយថា៖      «ប្រមុខរដ្ឋរបស់យើង រក្សាទំនាក់ទំនងមិត្តភាព និងកំពុងធ្វើកិច្ចសន្ទនាយ៉ាងសកម្មបំផុត។ ដូច្នេះ នេះ គឺជារឿងធម្មតាទេដែលនៅឆ្នាំនេះ ពួកគេនឹងបន្តកិច្ចសន្ទនានេះជាប្រចាំ»។ 

លោកបានបញ្ជាក់ថា៖«កិច្ចពិភាក្សាមានភាពមមាញឹកខ្លាំងណាស់។ យើងបានពិភាក្សាអំពីកាលវិភាគនៃទំនាក់ទំនង រួមទាំងការចរចាកម្រិតកំពូលផងដែរ»។  

យោងតាមសេវាសារព័ត៌មាន កិច្ចពិភាក្សានេះ បានផ្តោតលើការវិវត្តនាពេលបច្ចុប្បន្ន នៅក្នុងតំបន់ផ្សេងៗនៃពិភពលោក ដែលជាការព្រួយបារម្ភសម្រាប់ទាំងទីក្រុងមូស្គូ និងទីក្រុងប៉េកាំង៕