លេខាធិការក្រុមប្រឹក្សាសន្តិសុខរុស្ស៊ី លោក Sergey Shoigu បានថ្លែងនៅក្នុងកិច្ចប្រជុំជាមួយរដ្ឋមន្ត្រីការបរទេសចិន និងជានាយកការិយាល័យគណៈកម្មការមជ្ឈិមសម្រាប់កិច្ចការបរទេសនៃបក្សកុម្មុយនិស្តចិន លោក វ៉ាង យី (Wang Yi) ថា ស្ថានភាពនៅក្នុងតំបន់ផ្សេងៗនៃពិភពលោក បន្តធ្លាក់ចុះកាន់តែធ្ងន់ធ្ងរឡើង នៅឆ្នាំនេះ។

លោក Shoigu បាននិយាយថា៖«ជាការពិតណាស់ ឆ្នាំ ២០២៦ បានចាប់ផ្តើមវិវត្តន៍យ៉ាងឆាប់រហ័ស។ យើងកំពុងសង្កេតឃើញការផ្លាស់ប្តូរដ៏ទូលំទូលាយនៅក្នុងសណ្តាប់ធ្នាប់សកលទាំងមូល។ ស្ថានភាពនៅក្នុងតំបន់ជាច្រើននៃពិភពលោក កាន់តែបន្តយ៉ាប់យ៉ឺនឡើង»។

លោក Shoigu បានកត់សម្គាល់ថា៖«នាដើមខែធ្នូ នៅក្នុងទីក្រុងមូស្គូ យើងបានធ្វើកិច្ចពិគ្រោះយោបល់យ៉ាងហ្មត់ចត់ និងមានប្រយោជន៍ជាមួយអ្នកលើរបៀបវារៈសកល និងសន្តិសុខជាយុទ្ធសាស្ត្រ។ ទោះជាយ៉ាងណាក៏ដោយ ពេលវេលាកំពុងផ្លាស់ប្តូរយ៉ាងឆាប់រហ័ស ហើយស្ថានភាពអន្តរជាតិ កំពុងប្រែប្រួលជាមួយនឹងការផ្លាស់ប្តូរនេះដែរ។ នេះបង្ហាញពីតម្រូវការសម្រាប់ការធ្វើដោះស្រាយជាប្រចាំនូវបញ្ហាបន្ទាន់នៃសន្តិសុខអន្តរជាតិ»។ លោកបានបន្ថែម៖«ក្នុងអ្វីដែលហាក់ដូចជារយៈពេលខ្លី ត្រឹមតែជាងពីរខែ មានព្រឹត្តិការណ៍ជាច្រើន បានកើតឡើង ដែលពីមុនពួកវា អាចនឹងមានរយៈពេលមួយឆ្នាំ ឬយូរជាងនេះ»៕