អគ្គលេខាធិការអង្គការសុខភាពពិភពលោក (WHO) លោក Tedros Adhanom Ghebreyesus បានថ្លែងថា កាលពីឆ្នាំមុន គឺជាឆ្នាំដ៏លំបាកបំផុតមួយក្នុងប្រវត្តិសាស្ត្ររបស់អង្គការនេះ។

លោកបានចង្អុលបង្ហាញនៅក្នុងសម័យប្រជុំលើកទី ១៥៨ នៃក្រុមប្រឹក្សាភិបាល WHO ថា៖«វាពិតជាមិនអាចប្រកែកបានថា ឆ្នាំ ២០២៥ គឺជាឆ្នាំដ៏លំបាកបំផុតមួយ នៅក្នុងប្រវត្តិសាស្ត្ររបស់អង្គការយើង»។

យោងតាមលោក Ghebreyesus ការកាត់បន្ថយថវិកាយ៉ាងច្រើនរបស់យើង បានធ្វើឲ្យយើងគ្មានជម្រើសអ្វីក្រៅពីកាត់បន្ថយទំហំកម្លាំងពលកម្មរបស់យើងទេ»។ ទោះជាយ៉ាងណាក៏ដោយ ទោះបីជាអង្គការនេះបានប្រឈមនឹងវិបត្តិដ៏ធ្ងន់ធ្ងរមួយ ក្នុងឆ្នាំកន្លងមកក៏ដោយ «វាក៏ជាឱកាសសម្រាប់អង្គការសុខភាពពិភពលោក (WHO) ដែលកំពុងផ្តោតលើបេសកកម្ម និងអាណត្តិស្នូលរបស់ខ្លួនដែរ»។

លោកប្រធានអង្គការនេះ បានសង្កត់ធ្ងន់ថា៖«WHO មិនអាចធ្វើអ្វីៗគ្រប់យ៉ាងបានទេ ហើយយើងមិនគួរព្យាយាមទេ។ អំណាចសំខាន់របស់អង្គការ WHO គឺជាអំណាចកោះប្រជុំរបស់ខ្លួន ដែលជាសមត្ថភាពក្នុងការប្រមូលផ្តុំរដ្ឋាភិបាល អ្នកជំនាញ ស្ថាប័ន ដៃគូ សង្គមស៊ីវិល និងវិស័យឯកជន នៅក្រោមឆ័ត្រតែមួយ»។ 

សម័យប្រជុំលើកទី ១៥៨ នៃក្រុមប្រឹក្សាប្រតិបត្តិ WHO ប្រព្រឹត្តទៅ នៅទីក្រុងហ្សឺណែវ ប្រទេសស្វ៊ីស ចាប់ពីថ្ងៃទី ០២ ដល់ថ្ងៃទី ០៧ ខែកុម្ភៈ៕