ការត្រៀមខ្លួនបានធ្វើឡើងនៅទីក្រុង Khan Younis ស្ថិតក្នុងតំបន់ហ្កាហ្សានាថ្ងៃអង្គារនេះ ដើម្បីជម្លៀសជនប៉ាឡេស្ទីនបន្ថែមទៀត រយៈពេល ១ថ្ងៃ ក្រោយអ៊ីស្រាអែលបើកច្រកព្រំដែន Rafah ឡើងវិញ ដល់មនុស្សមួយក្តាប់តូចជាលើកដំបូង ក្នុងរយៈពេលជាច្រើនខែកន្លងមកនេះ ។

នៅមន្ទីរពេទ្យអឌ្ឍចន្ទក្រហម រថយន្តអង្គការសុខភាពពិភពលោក(WHO) រថយន្តគិលានសង្រ្គោះ និងរថយន្តក្រុង បានចាកចេញទៅជាមួយអ្នកជំងឺ និងអ្នកមានរបួសដោយសារសង្រ្គាម ។

ការបើកព្រំដែនឡើងវិញ គឺជាជំហានដ៏សំខាន់នៃផែនការគាំទ្រដោយសហរដ្ឋអាមេរិក ដើម្បីបញ្ចប់សង្រ្គាម បើទោះបីជាការឆែកឆេរសន្តិសុខដ៏រឹងរឹងរបស់អ៊ីស្រាអែល បានពន្យឺតដំណើរការចាកចេញកាលពីថ្ងៃចន្ទក៏ដោយ ។

ច្រកឆ្លងកាត់ព្រំដែន Rafah ដែលស្ថិតក្នុងកម្ទេចកម្ទិ និងគំនរបាក់បែក គឺជាផ្លូវតែមួយគត់ចេញ-ចូលតំបន់ហ្កាហ្សា សម្រាប់ពលរដ្ឋជាង ២លាននាក់ ។

ច្រកមួយនេះ បានបិទភាគច្រើន អំឡុងសង្រ្គាម ហើយការបើកវាឡើងវិញជាការអនុញ្ញាតឲ្យមានការចេញទៅកាន់ពិភពខាងក្រៅមានដែនកំណត់នេះដែរ ស្ថិតក្នុងជំហានចុងក្រោយត្រូវការ ក្រោមដំណាក់កាលដំបូងនៃបទឈប់បាញ់រៀបចំឡើងដោយសហរដ្ឋអាមេរិក ដែលបានឈានដល់កាលពីខែតុលា ឆ្នាំ ២០២៥ ៕