ម្ចាស់ហាងទំនិញ និងម្ចាស់អាជីវកម្មនៅទីក្រុងញូវដែលី បានស្វាគមន៍ចំពោះការកាត់បន្ថយការដំឡើងពន្ធរបស់សហរដ្ឋអាមេរិក ដោយបង្ហាញសុទិដ្ឋិនិយមថា ការបន្ធូរបន្ថយរបាំងពាណិជ្ជកម្មនឹងធ្វើឱ្យតម្រូវការប្រសើរឡើងវិញនិងជំរុញការលក់ដូរ ខណៈទីផ្សារបានបង្ហាញពីទំនុកចិត្តជាថ្មីកាលពីថ្ងៃអង្គារ ទី៣ ខែកុម្ភៈ ដោយពាណិជ្ជករចាត់ទុកការវិវឌ្ឍនេះថាជាការធូរស្រាលដ៏សំខាន់សម្រាប់អាជីវកម្មរបស់ប្រទេសឥណ្ឌា បន្ទាប់ពីមានភាពមិនប្រាកដប្រជា ជាច្រើនខែមកនេះ។

រដ្ឋមន្ត្រីក្រសួងពាណិជ្ជកម្មឥណ្ឌា លោក Piyush Goyal បាននិយាយកាលពីយប់ថ្ងៃអង្គារថា បន្ទាប់ពី «ការស្វែងយល់ចុងក្រោយ» នៃកិច្ចព្រមព្រៀងដែលត្រូវបានចុះហត្ថលេខា ប្រទេសទាំងពីរនឹងចែករំលែកព័ត៌មានលម្អិត ហើយសេចក្តីថ្លែងការណ៍រួមមួយនឹងត្រូវចេញក្នុងពេលឆាប់ៗនេះ។

លោក Trump បាននិយាយថា ប្រទេសឥណ្ឌានឹងទិញទំនិញរបស់សហរដ្ឋអាមេរិកច្រើនបន្ថែមទៀត ដោយការទិញកើនឡើងដល់ជាង៥០០ពាន់លានដុល្លារ រួមមានថាមពល ធ្យូងថ្ម បច្ចេកវិទ្យា និងផលិតផលកសិកម្ម។

ទិន្នន័យរបស់រដ្ឋាភិបាលឥណ្ឌាបានបង្ហាញថា ការនាំចេញរបស់ប្រទេសឥណ្ឌាទៅកាន់សហរដ្ឋអាមេរិកបានកើនឡើង ១៥,៨៨% ពីឆ្នាំមុនៗ ដែលមានចំនួនដល់៨៥,៥ ពាន់លានដុល្លារ ក្នុងខែមករា ដល់ខែវិច្ឆិកា ខណៈការនាំចូលមានចំនួន ៤៦,០៨ ពាន់លានដុល្លារ។